TOJOBKUTIK MAS TA SPASEL LI KABTELTIKE
Tojobkutik batel mas li ta cholmantale: chapano atuk ti kʼuxi xuʼ xavakʼ li revistaetike
¿KʼU YUʼUN TSOTS SKʼOPLAL? Akʼo mi to jtunel li kʼusi chal li programa xchiʼuk bu chijtsʼibaj sventa xichʼ akʼel vunetike, jaʼ noʼox me skʼelobil ti kʼuxi ta akʼele. Xuʼ xaval ta akʼop atuk. O xuʼ xajoypʼin ti kʼu yelan chavalbe skʼoplale, o xuʼ xaval xtok ti kʼusi mas lek chaʼiik li krixchanoetik ti bu chacholik mantale. Mi jaʼ jeche, skʼan me baʼyel xakʼel li revistaetike, kʼelo li skʼelobil cholmantale xchiʼuk kʼelo li video ti bu chakʼ ta ilel kʼu yelan ta cholel mantale, vaʼun chapano atuk ti kʼu yelan chachol mantal jech kʼuchaʼal laj xa yichʼ akʼel ta ilele.
¿KʼUXI TA PASEL?
¿Mi chatunes junuk li skʼelobil cholmantal liʼe?
TANA
Chapano li kʼusi baʼyuk chkʼot avalbe li krixchanoe xchiʼuk albo skʼoplal jlikeluk ti kʼu yuʼun chavulaʼane. (Xuʼ xi xavale: «Tal jvulaʼanot sventa...»).
Kʼalal mi oy xa ox kʼusi la ajakʼbee nopo kʼuxi xuʼ xakʼelbe junuk teksto ta Vivlia xchiʼuk kʼuxi xuʼ xavakʼbe komel jlikuk vun. (Jech kʼuchaʼal liʼe, sventa xakʼelbe junuk teksto ta Vivliae, xuʼ xi xavale: «Kʼelo avil kʼu yelan chalbe smelolal li Vivliae»).
MOʼOJ
Tʼujo junuk mantal li ta revista ti lek chavaʼie xchiʼuk ti xuʼ xkʼot ta yoʼonton li krixchanoetik ti bu chachol mantale.
Nopo junuk sjakʼobil sventa xal sloʼil li krixchanoe, pe mu me chopoluk xaʼi sba avuʼun. (Skʼelobil: tuneso li sjakʼobil ti te chtal li ta pajina 2 li ta revistaetike).
Tʼujo junuk versikulo xchiʼuk kʼelo. (Mi jaʼ ta sventa li revista ¡Despertad!, mu persauk xichʼ tunesel, yuʼun li revista taje jaʼ sventa li krixchanoetik ti mu snaʼik mas ta sventa li Vivliae o ti mu spat yoʼontonik ta sventa li relijione).
Chapano jpʼel chaʼpʼeluk aloʼil sventa xavalbe smelolal ti kʼuxi xuʼ stabe sbalil mantal li krixchanoe.
BUYUK NOʼOX
Albo junuk sjakʼobil sventa xatakʼ ta yan velta.
Tsʼibao batel li kʼusi chakʼan chavalbe ta yan veltae.