Lokʼkutik noʼox me batel li ta cholmantale

Kʼalal chkil jbatik xchiʼuk kermanotaktik li ta tsobajeletik sventa cholmantale stalel onoʼox ti ta jkʼan chijloʼilajutik xchiʼukike. Akʼo mi jech, mi tsuts li tsobajele skʼan me xijbatutik noʼox ti bu chbat jcholtik mantale, yuʼun sujom skʼan jpastik li kabteltike (2 Tim. 4:2). Mi muʼyuk lijlokʼ ta anile, mas xa me jutuk yorail chkom kuʼuntik sventa jcholtik mantal. Yuʼun ti lek xkaltike xuʼ xijloʼilajutik xchiʼuk li buchʼu ta jchiʼintik ta cholmantale. Mi la jnopes jbatik ti chijlokʼutik noʼox ta anil ta cholmantale jaʼ me jech chkakʼtik ta ilel ti baxbolutik xchiʼuk ti jaʼutik yajtunel Jeova xchiʼuk Jesucristoe (Rom. 12:11).