Ta sjunul koʼontontik kaltik batel li kʼusi melel ta sventa Jesuse

Mi jnaʼtik yalbel lek smelolal li kʼusi melel ta sventa Jesuse, ch-ayan me mas ta koʼontontik yalbel skʼoplal. Li Jesucristoe jaʼ li «ton iʼoch ta mero chiquin na cuʼuntique», ti jaʼ te snakleb li xchʼunel koʼontontike (Efe. 2:20). Yuʼun muʼyuk bu yan xuʼ jta jkolebaltik (Hech. 4:12). Jech oxal, toj tsots me skʼoplal ti jnaʼtik kʼusi yabtel akʼbil Jesús sventa xkʼot ta pasel li kʼusi tskʼan yoʼonton Diose. Oy kʼusi kʼotem ta pasel ti chakʼ vul oʼontone, yuʼun ep buchʼutik lajemik ta loʼlael ta sventa li kʼusi mu jechuk chal Vivliae. Ta skoj taje xuʼ me mu staik li bendision chakʼbe Dios li buchʼutik oy xchʼunel yoʼontonik ta stojolal li Jesuse. Ti oy tajek ta koʼontontik li kʼusi melele, jaʼ tstij koʼontontik sventa jkoltatik li krixchanoetik ti tskʼan tsnaʼik ta melel buchʼu jaʼ li Jesuse, ti kʼuxi xkoʼolaj xchiʼuk Jeova li Jesuse xchiʼuk kʼusi yabtel yichʼoj ta sventa li kʼusi tskʼan tspas Diose. Jaʼ yuʼun, ta sjunuluk koʼontontik kaltik batel li kʼusi melel ta sventa Jesús li ta yorail Snaʼobil slajel Cristoe.