Jtaktik ta ikʼel skotol li krixchanoetik ta Snaʼobil slajel Kristo ti bu nakalutike

Li kampanya avi jabile, ta xlik ta 27 yuʼun fevrero, jaʼ yuʼun ta xkakʼtik persa ti xkikʼtik skotol krixchanoetik bu nakalutik li ta Snaʼobil slajel Kristoe. Mi laj kakʼtik venta ti oy ta yoʼontonik li buchʼutik la xchʼam li takel ta ikʼele, jkoltatik me.

¿KʼUXI TA PASEL?

AKʼO TA ILEL

«Ta jkʼan ti xbat achiʼinunkutik ta jun tsobajel ti toj tsots skʼoplale. Li ta 23 yuʼun marsoe, ta smiyonal xa noʼox krixchanoetik ta stsob sbaik ta spʼejel Balumil sventa spasik li Snaʼobil slajel Kristoe. Ta xjelav jun mantal ti muʼyuk tojbile ti te chal kʼuxi ta jtabetik sbalil li matanal laj yakʼ Jesuse. Li uni vun liʼe te chal kʼusi ora xchiʼuk bu ta xjelav li tsobajele. Oy ta koʼontonkutik ti xbat achiʼinunkutik li ta tsobajel taje».

Mi oy ta yoʼonton li krixchanoe:

• AKʼBO LI JKʼEL OSIL TA TOYOLE

  Oyuk kʼusi xajakʼbe sventa xbat akʼel yan velta li krixchanoe.

• AKʼO TA ILEL LI VIDEO SVENTA SNAʼOBIL SLAJEL KRISTOE

  Oyuk kʼusi xajakʼbe sventa xbat akʼel yan velta li krixchanoe.

Kʼalal mi sut akʼele:

• AKʼO TA ILEL LI VIDEO ¿KʼU YUʼUN SKʼAN JCHANTIK LI VIVLIAE?

  Mi laje, akʼbo jlikuk vun ti jaʼ noʼox ta jtunestik sventa chkakʼtik-o estudioe.

• AKʼBO LI LIVRO ¿KʼUSI CHCHANUBTASVAN TA MELEL LI VIVLIAE?

  Jaʼ tuneso li mantal ta pajina 206 kʼalal ta 208 li ta livroe, albo kʼu yuʼun ta xichʼ pasel li Snaʼobil slajel Kristoe. Vaʼun akʼbo komel li livroe.

• AKʼBO LI FOYETO CHIKINTAO KʼUSI CHAL DIOS

  Jaʼ tuneso li mantal ta pajina 18 xchiʼuk 19 sventa xavalbe kʼusi skʼan xal li Snaʼobil slajel Kristoe. Vaʼun akʼbo komel li foyetoe.