KʼUSITIK KʼUPIL SBA TA VIVLIA | ISAÍAS 1-5
«Muycutic batel ta vits yuʼun li Mucʼul Diose»
«Ta slajebtic batel cʼacʼale» |
Li avi kʼakʼal kuxulutike. |
«Li vits yoʼ bu oy sna Mucʼul Diose» |
Li melel yichʼel ta mukʼ Jeovae. |
«Li yajvaltac jujun banamile te chtal stsob sbaic ta stojol» |
Li buchʼutik chchʼamik li melel ichʼel ta mukʼe lek tsobolik. |
«Laʼic, muycutic batel ta vits yuʼun li Mucʼul Diose» |
Li melel yajtuneltak Diose chikʼik tal yantik sventa jmoj tsobolikuk tsmuyubtaik li Jeovae. |
«Yuʼun jaʼ te chijyacʼbutic quiltic li beetic yuʼune, jech chlic xanovcutic ta bicʼtal be yuʼun» |
Li Jeovae, chchanubtasutik xchiʼuk tskoltautik ta Skʼop sventa xijkuxi kʼuchaʼal tskʼane. |
«Muʼyuc xa bochʼo chchapan sba lec ta xchanel pleito» |
Li Isaiase chal ti kʼu yelan chichʼ kʼatajesel ta lokob banamil li abtejebaletik sventa pasob pleitoe, yoʼ xakʼ iluk ti jun xa noʼox yoʼontonik li steklumal Diose. ¿Kʼusi abtejebaletik tstunesik toʼox li ta skʼakʼalil Isaiase? |
«Chlic scʼatajesic ta locub banamil li yespadaique» |
1 Li yasaronal lokob osile jaʼ li kʼusi tsjav li balumile. Junantike pasbilik ta takʼin (1Sa 13:20). |
«Chlic scʼatajesic ta jos li slanzaique» |
2 Li jose yikʼaluk van jaʼ jun jayal takʼin ti lek yee xchiʼuk ti oy stsakobile. Tstunesik toʼox sventa tsbojbeik skʼobtak li tsʼusube (Is 18:5). |