LI JKUXLEJALTIKE
¿Kʼusi ual xuʼ xatun ta prekursor auksiliar?
Li kʼusi akʼbat yil Ezequiel ta sventa li temploe, te chakʼ ta ilel ti lokʼ ta yoʼonton laj yakʼik matanal li steklumal Diose. ¿Kʼuxi xuʼ xkakʼbetik milbil matanal xkaltik ek li Diose? (Evr 13:15, 16).
Jtos ti kʼu yelan xuʼ xkakʼtik matanale jaʼ ti xijtun ta prekursor auksiliare. Li ta septiembre ta 2017 kʼalal ta agosto ta 2018 oy jayibuk u yichʼoj voʼob savado o domingo. Taje jaʼo me xuʼ xtunik jech li buchʼutik ch-abtejik ta lunes kʼalal ta viernese xchiʼuk ti jaʼ noʼox chcholik mantal ta savado o ta domingoe. Jech xtok, xuʼ me jaʼo xtunik ta prekursor auksiliar li ta marso xchiʼuk avril ti 30 ora noʼoxe xchiʼuk kʼalal jaʼo tsvulaʼan tsobobbail li jkʼelvanej ta sirkuitoe.
¿Pe mi mu xuʼ kuʼuntik spasel li prekursor auksiliar une? Oy kʼusi stakʼ jpastik: jaʼ ti xkakʼbetik yipal ti masuk ep jcholtik mantale xchiʼuk ti masuk xijtojobe. Mu ventauk ti kʼu yelan jkuxlejaltike, jaʼuk me akʼo stij koʼontontik ti jkʼanojtik Jeova ti xkakʼbetik yipal cholmantal li ta septiembre ta 2017 kʼalal ta agosto ta 2018 (Os 14:2).
¿Kʼuxi xuʼ jchanbe stalelal li Sabina Hernández ti ta sjunul yoʼonton chchol mantale?
KʼELO LI VIDEO SABINA HERNÁNDEZ: SPAS KUʼUN JUTUK MU SKOTOLUK MI TSKOLTAUN LI JEOVAE, VAʼUN TAKʼO LI SJAKʼOBILTAK LIʼE:
¿Kʼusi chtijbat yoʼonton sventa x-abtej mas ta stojolal Jeova li Sabinae?
¿Kʼuxi tspatbot avoʼonton li stalelal Sabinae?
¿Kʼusi ual o jayib u chatun ta prekursor auksiliar li ta septiembre ta 2017 kʼalal ta agosto ta 2018?