Akʼo mi oy kʼusi chjel ta jkuxlejaltik, skʼan me vikʼiluk jsatik xchiʼuk oyuk ta koʼontontik li mantale

Ta skoj ti kuxulutik ta slajebal kʼakʼale ep kʼusitik chjel ta jkuxlejaltik xchiʼuk muʼyuk kʼusi xuʼ jpastik (1Ko 7:31). Akʼo mi jnaʼojtik o muʼyuk li kʼusi chkʼot ta pasele, mi lek o chopol li kʼusi ta jnuptantike, xuʼ me ep xkil jvokoltik yuʼun ta mantal xchiʼuk ti xakʼ ta preva ti kʼu yelan xkil jbatik xchiʼuk li Jeovae. ¿Kʼusi tskoltautik sventa vikʼiluk jsatik xchiʼuk ti oyuk ta koʼontontik li mantal akʼo mi oy kʼusi xjel li ta jkuxlejaltike? Kʼelo li video Kʼuxi xuʼ lek tsotsutik-o ta mantal kʼalal ta jel jnailaltike, vaʼun takʼo li sjakʼobiltak liʼe:

• Li totil ta utsʼ alalile, ¿kʼusi tojobtasel akʼbat yuʼun li jun ermanoe?

• Li kʼusi la snuptan li utsʼ alalile, ¿kʼuxi koltaatik-o li beiltasel ta Mateo 7:25?

• ¿Kʼuxi la xchapan sbaik kʼalal la sjel ti bu nakalike xchiʼuk kʼuxi koltaatik taje?

• ¿Kʼusi koltaatik-o yoʼ xnopik noʼox li ta achʼ tsobobbaile xchiʼuk ti bu chcholik mantale?

¿Kʼusi jaʼtik to jelem talel ta jkuxlejal ti tsotsik tajek skʼoplale?

¿Kʼuxi xuʼ xkakʼ ta jkuxlejal li beiltaseletik te laj kiltik ta videoe?