Totil meʼiletik, koltaik li avalab anichʼnabik yoʼ oyuk kʼusi lek staike

Skotol li totil meʼiletik ti jaʼik yajtsʼaklomtak Kristoe oy ta yoʼontonik ti xkʼot ta tukʼil yajtuneltak Jeova li yalab xnichʼnabike. Sventa x-ayan ta yoʼontonik spasel taje skʼan me ta sbikʼtalik noʼox xavakʼbeik yipal ta xchanubtasel ta Vivlia li avalab anichʼnabike (Dt 6:7; Pr 22:6). Pe ¿mi kʼun ta pasel taje? Muʼyuk, pe oy me sbalil mi chavakʼik persa ta skoltaele (3Jn 4).

Li totil meʼiletike ep kʼusitik xuʼ xchanbeik li Jose xchiʼuk Mariae, yuʼun akʼo mi nom chanavik batel xchiʼuk tslajes stakʼinik nopem xaʼiik ti «chbatik ta jujun jabil ta kʼin Koltael ta [Jerusalene]» (Lu 2:41). Li kʼusi mas tsots skʼoplal laj yilik li Jose xchiʼuk Mariae jaʼ ti tsotsuk ta mantal li yutsʼ yalale. Li totil meʼiletik avie ta buyuk noʼox xuʼ xchanubtasik ta skʼopojelik xchiʼuk ta stalelalik li yalab xnichʼnabike (Sl 127:3-5).

MI LAJ AKʼELIK LI VIDEO LI JON XCHIʼUK SHARON SCHILLERE LA XCHʼAMIK SKOTOL LI MATANALETIK TA MANTALE, TAKʼIK LI SJAKʼOBILTAK LIʼE:

• Kʼalal la tstsʼites yalab xnichʼnabik li Jon xchiʼuk Sharon Schillere, ¿kʼusi la spasik sventa jaʼuk baʼyel xakʼ ta xkuxlejalik li kʼusitik sventa mantale?

• ¿Kʼu yuʼun skʼan stojobtas yalab xnichʼnabik li totil meʼiletik ti kʼu yelan chtun yuʼunik ta jujuntale?

• ¿Kʼuxi xuʼ xchapan lek yalab xnichʼnabik li totil meʼiletik sventa tukʼ xakʼ sbaik kʼalal tsnuptanik vokoliletike?

• Ta skotol li kʼusitik yakʼojbutik li s-organisasion Jeovae, ¿kʼusi jtosukal chatunes sventa xakolta li avalab anichʼnab yoʼ xkʼot ta slekil amigo li Jeovae?