Li kʼanelale jaʼ chakʼ ta ojtikinel li melel yajtsʼaklomtak Kristoe: Mu me jaʼuk jpastik li kʼusi lek chkaʼi jtuktike xchiʼuk mu xij-ilin ta anil

¿KʼU YUʼUN TSOTS SKʼOPLAL? Li Jesuse laj yal ti kʼanelale jaʼ chakʼ ta ojtikinel buchʼutik jaʼ li melel yajtsʼaklomtake (Jn 13:34, 35). Sventa xkakʼtik ta ilel ti jkʼanoj jbatik jech kʼuchaʼal la spas li Jesuse, skʼan oyuk ta koʼontontik li yantike xchiʼuk mu ta aniluk xij-ilin (1Ko 13:5).

¿KʼUXI TA PASEL?

• Jkʼeltik baʼyel kʼuxi chlik li kʼope xchiʼuk kʼusi xuʼ xkʼot ta pasel mi mu jnaʼ jpajes jbatik kʼalal oy buchʼu kʼusi chal o kʼalal oy kʼusi tspas ti chijkap-o yuʼune (Pr 19:11).

• Skʼan jvules ta joltik ti jkotoltik muʼyuk jtukʼiltike xchiʼuk ti oy bakʼintik chkaltik o ta jpastik li kʼusi chopol chkaʼi jbatik yuʼun ta tsʼakale.

• Jaʼ ti jchapantik noʼox ta anil li jkʼoptike.

MI LAJ AKʼELIK LI VIDEO JKʼAN JBATIK TA KOMON: LI KʼANELALE MAʼUK TSAʼ LI KʼUSI LEK CHAʼI STUKE XCHIʼUK MU X-ILIN TA ANIL, TAKʼIK LI SJAKʼOBILTAK LIʼE:

• ¿Kʼu yelan laj yaʼi sba Daniel kʼalal oy kʼusi albat yuʼun Tomase?

• ¿Kʼusi la spas Tomás sventa mu xlik skʼopike?

• ¿Kʼusi lek kʼot ta pasel ta skoj ti ta slekil yoʼonton takʼav li Tomase?