XCHANOBIL 18
¿Kʼuxi xuʼ xkojtikintik li melel yajtsʼaklomtak Kristoe?
Ta smiyonal noʼox krixchanoetik chalik ti jaʼik yajtsʼaklom Kristoe. Pe mu koʼoluk li kʼusi xchʼunojike xchiʼuk jelel stalelalik ta skoj ti muʼyuk chchʼunik li kʼusi chal Vivliae. ¿Kʼuxi xuʼ jnaʼtik buchʼutik jaʼik li melel yajtsʼaklomtak Kristoe?
1. ¿Kʼusi tspas li jun melel yajtsʼaklom Kristoe?
Li yajtsʼaklomtak Kristoe chchʼunik xchiʼuk tspasik li kʼusi laj yal Kristoe (kʼelo Echos 11:26). ¿Kʼu yelan chakʼik ta ilel taje? Xi laj yal li Jesuse: «Voʼoxuk me kajchankʼopoxuk ta melel mi te oyoxuk˗o ta stojolal li jkʼope» (Juan 8:31). Taje jaʼ skʼan xal ti skʼan xchʼunik li chanubtaseletik laj yakʼ ta chanel Jesuse. Li melel yajtsʼaklomtak Kristoe ta Vivlia tslokʼesik li kʼusi xchʼunojike, yuʼun li Jesuse jaʼ laj yakʼ ta chanel li kʼusi chal Vivliae (kʼelo Lukas 24:27).
2. ¿Kʼuxi chakʼik ta ilel ti chkʼanvanik li melel yajtsʼaklomtak Kristoe?
Xi laj yalbe yajchankʼoptak li Jesuse: «Jech xakʼan abaik ta jujuntal kʼuchaʼal jkʼanojoxuke» (Juan 15:12). ¿Kʼuxi laj yakʼ ta ilel ti skʼanoj yajchankʼoptak li Jesuse? La xchʼak skʼakʼal, la spatbe yoʼonton, la skoltaanan xchiʼuk laj yakʼ xkuxlejal ta stojolalik (1 Juan 3:16). Jech kʼuchaʼal la spas li Jesuse, li melel yajtsʼaklomtak Kristoe maʼuk noʼox chalik ti snaʼ xkʼanvanike, yuʼun xvinaj ta skʼopojelik xchiʼuk oy kʼusitik tspasik ta stojolal yantik.
3. ¿Kʼusi yakʼoj ta yoʼontonik spasel li melel yajtsʼaklomtak Kristoe?
Li Jesuse oy kʼusi laj yakʼbe sbain li yajchankʼoptake, «la stakan batel sventa xbat xcholbeik skʼoplal li Ajvalilal yuʼun Diose» (Lukas 9:2). Li jchʼunolajeletik ta voʼnee maʼuk noʼox te la xcholik mantal ta stemploik, yuʼun bat xcholik mantal ti bu oy ep krixchanoetike xchiʼuk ta jujupʼej naetik (kʼelo Echos 5:42; 17:17). Li avi eke, li melel yajtsʼaklomtak Kristoe yakal chalik batel ta buyuk noʼox li kʼusi chchanubtasvan Vivliae. Ta skoj ti skʼanojik li krixchanoetike, chchʼak skʼakʼalik xchiʼuk chakʼ yipalik sventa spatbeik yoʼonton ta Vivlia (Markos 12:31).
JCHANTIK TO BATEL MAS
Jkʼeltik kʼusi jelelik˗o li melel yajtsʼaklomtak Kristo xchiʼuk li yan krixchanoetik ti muʼyuk tspasik li kʼusi laj yakʼ ta chanel Jesuse.
4. Tskʼelik lek li kʼusi chal ta melel li Vivliae
Li melel yajtsʼaklomtak Kristo ta voʼnee oy sbalil laj yilik li Skʼop Diose.
Li buchʼutik chalik ti jaʼik yajtsʼaklomtak Kristoe mu skotoluk tsots skʼoplal chilik li kʼusi chakʼ ta chanel Vivliae. Kʼelik li VIDEOE xchiʼuk albeik skʼoplal li sjakʼobil liʼe:
¿Kʼusi yakʼojik ta chanel junantik relijionetik ti mu jechuk laj yakʼ ta chanel Jesuse?
Li Jesuse jaʼ laj yakʼ ta chanel li kʼusi melel chal ta Skʼop Diose. Kʼelik Juan 18:37 xchiʼuk albeik skʼoplal li sjakʼobil liʼe:
Jech kʼuchaʼal laj yal li Jesuse, ¿kʼuxi xuʼ jnaʼtik buchʼutik jaʼ li yajtsʼaklomtak ti te oyik «ta stojolal li kʼusi melele»?
5. Chalik batel li kʼusi melel chal Vivliae
Li melel yajtsʼaklomtak Kristo ta voʼnee la xcholik mantal.
Kʼalal skʼan toʼox xbat ta vinajel li Jesuse, oy kʼusi laj yakʼbe komel sbain yajchankʼoptak ti yakal to chichʼ pasel li avie. Kʼelik Mateo 28:19, 20 xchiʼuk Echos 1:8 xchiʼuk albeik skʼoplal li sjakʼobil liʼe:
¿Bu to kʼalal la xcholik mantal xchiʼuk kʼusi to ora chichʼ iktael li abtelal taje?
6. Chakʼ ta xkuxlejalik li kʼusi chakʼik ta chanele
¿Kʼu yuʼun jpʼel ta yoʼonton Tom ti staoj xa ox yaloj li melel relijione? Kʼelik li VIDEOE xchiʼuk albeik skʼoplal li sjakʼobiltak liʼe:
Jech kʼuchaʼal laj kiltik ta videoe, ¿kʼu yuʼun muʼyuk lek laj yil relijion li Tome?
¿Kʼu yuʼun la xchʼun ti laj xa sta li melel relijione?
Skʼan xkakʼ ta jkuxlejaltik li kʼusi chkaltike. Kʼelik Mateo 7:21 xchiʼuk albeik skʼoplal li sjakʼobil liʼe:
¿Kʼusi ti mas tsots skʼoplal chil li Jesuse: mi jaʼ ti chkaltik li kʼusi jchʼunojtike o mi jaʼ ti chkakʼtik ta ilele?
7. Skʼanoj sbaik ta jujuntal
Li melel yajtsʼaklomtak Kristo ta voʼnee skʼanoj sbaik ta jujuntal.
Li yajtsʼaklomtak Kristoe, ¿mi oy yakʼoj ta vokol xkuxlejalik ta stojolal li yermanoike? Kʼelik li VIDEOE xchiʼuk albeik skʼoplal li sjakʼobiltak liʼe:
¿Kʼusi tijbat˗o yoʼonton li ermano Lloyd sventa xakʼ xkuxlejal ta stojolal li Johanssone?
¿Mi jaʼ jech laj yakʼ ta ilel stalelal kʼuchaʼal jun melel yajtsʼaklom Kristo?
Kʼelik Juan 13:34, 35 xchiʼuk albeik skʼoplal li sjakʼobiltak liʼe:
Li yajchankʼoptak Jesus ti jaʼik li melel yajtsʼaklomtake, ¿kʼu la yelan skʼan xilik li yan krixchanoetik ti jelel slumalik xchiʼuk stsʼunbalike?
Kʼalal jaʼo chlik paskʼope, ¿kʼuxi chakʼik ta ilel ti skʼanoj xchiʼilike?
JUNANTIKE XI CHALIKE: «Mas to chopolik chkil li buchʼutik oy srelijionike. ¿Mi jaʼ xa van lek li srelijionik une?».
¿Kʼusi van teksto chatunes mi oy buchʼu chavakʼbe yil buchʼutik jaʼ li melel yajtsʼaklomtak Kristoe?
¿KʼUSI LA ACHAN?
Li melel yajtsʼaklomtak Kristoe chchʼunik li kʼusi chchanubtasvan Vivliae, oy kʼusitik tspasik ta stojolal yantik ta skoj ti skʼanojike xchiʼuk chalik batel li kʼusi chal Vivliae.
Svulesobil ta joltik
¿Bu tslokʼesik tal li kʼusi xchʼunojik li melel yajtsʼaklomtak Kristoe?
¿Kʼusi talelal chakʼik ta ilel li melel yajtsʼaklomtak Kristoe?
Xchiʼuk ¿kʼusi abtelal yakal tspasik?
XUʼ TO XAKʼEL LIʼE
Ojtikino avil jtsop krixchanoetik ti chakʼik persa spasel li kʼusi laj yakʼ ta chanel Jesuse.
Kʼelavil kʼuxi la sta yutsʼ yalal ta mantal jun ants ti monja toʼoxe.
Kʼelavil kʼuxi chakʼik ta ilel ti skʼanoj yermanoik li melel yajtsʼaklomtak Kristoe.
Ta jkoltakutik li kermanotaktik kʼalal ch˗echʼ nojelal ta voʼ o yan kʼusitike (jtuchʼ noʼox) (3:57)
Li Jesuse laj yalbutik kʼuxi xuʼ xkojtikintik li melel yajtsʼaklomtake. Kʼelavil kʼusi xkoʼolajik˗o li melel yajtsʼaklomtak Kristo avie xchiʼuk li ta voʼnee.
«¿Kʼuxi xuʼ xkojtikintik li melel yajtsʼaklomtak Kristoe?» (Li Jkʼel-osil ta toyole, xchanobil)