Xuʼ me xapasvan ta kanal mi lek atalelal xchiʼuk mi cha-ichʼvan ta mukʼe

Mi lek chakʼ ta ilel stalelal li ajnilal ti tspas ta yajtsʼaklom Kristoe xuʼ van xchʼam mantal li malalil ta mas tsʼakale. Pe xuʼ van xjelav jayibuk jabil sventa jech xkʼot ta pasel taje (1Pe 2:21-23; 3:1, 2). Mi yakal chavichʼ kontrainel ta jeche noʼoxe tsalo-o me ta sventa kʼusi lek li kʼusi chopole (Ro 12:21). Yuʼun xuʼ me oy kʼusi lek xkʼot ta pasel yuʼun li atalelale ti jaʼ mu sta li akʼopojele.

Tsako ta venta ti kʼu yelan chaʼi sba li anup achiʼile (Flp 2:3, 4). Akʼo ta ilel ti xavaʼi kʼu yelan chaʼi sbae, ti xavakʼ ta ilel xkʼuxul avoʼonton ta stojolal xchiʼuk tsako ta venta k’alal chapas li kʼusi abainoje. Chikintao li kʼusi chavichʼ albele (Snt 1:19). Oyuk smalael avuʼun xchiʼuk akʼo ta ilel ti akʼanoj li anup achiʼile. Xuʼ van ti mu skotoluk velta chakʼ venta li kʼusi chapase, pe naʼo me ti ep tajek sbalil chil Jeova ti tukʼ chavakʼ abae (1Pe 2:19, 20).

MI LA AKʼELIK LI VIDEO LI JEOVAE TSKOLTAUTIK KʼALAL OY JVOKOLTIKE, TAKʼIK LI SJAKʼOBILTAK LIʼE:

• ¿Kʼu toʼox yelan xkuxlejal li ermana Grace Li kʼalal mu toʼox jaluk snupunele?

• ¿Kʼusi tijbat-o yoʼonton sventa xchʼam li mantale?

• ¿Kʼusi koltaat li ermana Li sventa xkuch yuʼun li vokoliletik la snuptan kʼalal laj yichʼ voʼe?

• ¿Kʼusi la skʼanbe Jeova li ermana Li ta stojolal li smalale?

• ¿Kʼusitik lekik staoj li ermana Li ta skoj ti lek laj yakʼ ta ilel li stalelale xchiʼuk ti laj yichʼ ta mukʼ li smalale?