«Lokʼesik li sdiostak jyanlumetike»

Akʼo mi muʼyuk toʼox junuk mantal ti bu chal ti skʼan xichʼ kontrainel li jecheʼ diosetike, li Jakobe snaʼoj lek ti jaʼ noʼox Jeova sta-o ti xichʼ ichʼel ta mukʼe (Eks 20:3-5). Kʼalal laj yichʼ albel yuʼun Jeova ti xmuy batel ta Betele, li Jakobe laj yalbe yutsʼ yalal xchiʼuk skotol li buchʼutik te xchiʼuke ti slokʼesik skotol li sdiosike. Vaʼun, li Jakobe la smuk ta lum skotol li diosetike xchiʼuk li yareteal xchikinik ti metsʼtabile (Je 35:1-4). Ta melel, lek laj yil Jeova li kʼusi la spas Jakobe.

¿Kʼusi xuʼ jpastik sventa jaʼ noʼox xkichʼtik ta mukʼ li Jeovae? Jaʼ ti mu kʼusi jtikʼ jbatik ta spasel ti te nitil skʼoplal xchiʼuk li jecheʼ diosetike, li espiritismoe xchiʼuk li kʼusitik te snitojbe sba skʼoplale. Taje te smakojbe skʼoplal ti skʼan jlokʼestik skotol li kʼusi mu xichʼ nabel lek smelolale xchiʼuk skʼan jkʼeltik lek li kʼusi ta jchʼay-o koʼontontike. Lek ti xi jakʼbe jbatike: «¿Mi ta jkʼel livroetik, pelikulaetik ti chal ta sventa vampiroetik, sombietik o li kʼusitik ti mu stakʼ nabel lek smelolale? ¿Mi ta jchʼay koʼonton xchiʼuk kʼusitik ti lek yilel ta kʼelele, pe ti te snitojbe sba skʼoplal xchiʼuk li majia o kʼusitik ti tskʼoplaltaik sventa xakʼbeik svokol li yantike?». Jaʼ yuʼun, skʼan me jpʼajtik skotol li kʼusi chopol chil li Jeovae (Sl 97:10).

MI LA AKʼELIK LI VIDEO «KONTRAINIK LI DIABLOE», TAKʼIK LI SJAKʼOBILTAK LIʼE:

• 

  Li Palesa ti yakal chchan Vivliae, ¿kʼusi vokolil tsnuptan?

• 

  ¿Kʼu yuʼun lek ti jkʼanbetik koltael li moletik ta tsobobbail mi chkil jvokoltik ta sventa li espiritismoe?

• 

  Mi ta jkʼantik ti xchabiutik li Jeovae, ¿kʼusi skʼan jpastik?

• ¿Kʼusi kʼot ta nopel yuʼun li Palesae?

• Li bu nakalote, ¿kʼusi xuʼ xapas sventa mu xatikʼ aba xchiʼuk li pukujetike?