Kerem tsebetik, lekuk jamal xachiʼinik ta loʼil li atot ameʼike

¿Kʼu yuʼun skʼan xavalbe atot ameʼ li kʼusi chanope? (Pr 3:32). Yuʼun akʼbatem sbainik yuʼun Jeova ti xchabioxuke xchiʼuk ti sbeiltasoxuke (Sl 127:3, 4). Mi muʼyuk chavalanbe ti kʼusi chavul˗o avoʼontone o ti kʼusi tsots skʼoplal chavaʼie, mu me snaʼik kʼuxi xuʼ skoltaoxuk xchiʼuk muʼyuk me chanaʼ li kʼusitik xkuxlebinojik talele. Pe ¿mi skʼan xavalanbe skotol li kʼusitik chanope? Mu persauk, jaʼ noʼox venta mi muʼyuk chamuk li kʼusi skʼan snaʼike (Pr 3:32).

¿Kʼuxi xuʼ xachiʼin ta loʼil li atot ameʼe? Sabo lek yorail sventa xuʼ xaloʼilaj xchiʼukik. Jech xtok, tsʼibabo jlikuk karta atot o ameʼ ti bu chachapbe ti kʼu yelan chavaʼi abae. Pe ¿mi oy kʼusi tsjakʼboxuk ti mu xakʼan xaloʼilta une? Vuleso ta ajol ti tskʼan tskoltaoxuke. Jaʼ avamigotak li atot ameʼe, maʼuk avajkontratak. Mi chavalbe atot ameʼ skotol li kʼusi chanope, ta me skoltaot ti kʼu sjalil kuxulote (Pr 4:10-12).

MI LA AK’ELIK LI VIDEO KʼALAL KEREM TSEBUTIKE: ¿KʼU YELAN SKʼAN XACHIʼIN TA LOʼIL LI ATOT AMEʼE?, TAK’IK LI SJAK’OBILTAK LI’E:

• 

  ¿Kʼusi laj yalik ta jamal li Esther xchiʼuk Partike?

• 

  ¿Kʼusi xuʼ xachanbe li Jesuse?

• 

  ¿Kʼuxi yakʼojik ta ilel atot ameʼ ti skʼanojoxuke?

• 

  ¿Kʼusi beiltaseletik ta Vivlia tskoltaot yoʼ xachiʼin ta loʼil li atot ameʼe?