Paso divujoetik sventa xvul ta ajol li kʼusi chachane

Mu onoʼox kʼunuk sventa xvul ta joltik li kʼusi ta jchantike. Pe ¿kʼu yuʼun ti jaʼ anil chvul ta joltik li kʼusitik laj yal Jesus xchiʼuk li skoʼoltasobiltak la stunese? Yuʼun xkoʼolaj ti te xa jkʼelojtik yilel li kʼusi chkʼot ta pasele. Jaʼ jech li voʼotik eke, mi ta jnopbetik skʼoplal ti te xa jkʼelojtik yilel kʼusi chkʼot ta pasel kʼalal chijchanunaje, mas me anil chkom ta joltik. ¿Kʼuxi xuʼ jech jpastik taje? Jaʼ ti jpastik divujoetik kʼalal yakal chijchanunaje.

Li buchʼutik tspasbeik sdivujoal li kʼusi chchanike, mas anil chkom ta sjolik. Yuʼun kʼalal tspasbeik slokʼoltake, maʼuk noʼox chkoltaatik sventa xvul ta sjolik li letraetike, yuʼun chkoltaatik xtok sventa xvul ta sjolik li kʼusitik mas tsotsik skʼoplale. Maʼuk ti yan xa sba yutsil li sdivujoike. Junantike yakʼojik venta ti mas tstabeik sbalil kʼusi chchanik li buchʼutik oy xa yuni jabilalik mi tspasbeik sdivujoal li kʼusi chchanike.

Mi la achanunaj ta yan veltae, ¿kʼu yuʼun mu xapasbe sdivujoaltak? Xuʼ van labal sba chavil li kʼusitik chvul ta ajol mi jech la apase.