Albo yantik li kʼusi laj achane

Tspat koʼontontik kʼalal ta jchantik li Vivliae, pe mas to tspat koʼontontik kʼalal chkalbetik yantik li kʼusi kʼupil sba ta jtatike. Xi chal Proverbios 11:25: «Buchʼuuk noʼox ti tsikubtasbe yoʼonton yantike ta xichʼ sikubtasbel yoʼonton ek».

Mi chkalbetik yantik li kʼusi la jchantike, mas to me chkaʼibetik smelolal xchiʼuk mas to me chkom ta joltik. Jech xtok, xijmuyubaj noʼox, yuʼun jnaʼojtik ti jaʼ jech tstsatsub xchʼunel yoʼonton ek li buchʼu chkalbetike (Ech. 20:35).

Paso liʼe: Li xemana chtale akʼo persa xavalbe yantik li kʼusi laj achane. Xuʼ xavalbe avutsʼ avalal, junuk ermano ta tsobobbail, achiʼil ta abtel o ta chanun, alakʼna o li buchʼu chata ta cholmantale. Jamaluk xaval xchiʼuk kʼunuk ta aʼibel smelolal.

Teuk ta ajol liʼe: Kʼalal chavalbe batel yantik li kʼusi laj achane, jaʼ sventa xapat oʼontonal maʼuk ti labaluk sba xavichʼ ilele (1 Kor. 8:1).