¿Kʼuxi xuʼ jsaʼtik li kʼusitik kʼupil sba ta Vivlia ti jtunel kuʼuntike?

Kʼalal ta jchan Jvivliatike, skʼan jsabetik lek smelolal sventa jtatik li kʼusitik kʼupilik sbae. Pe ¿kʼuxi xuʼ jsabetik lek smelolal xchiʼuk ti jtabetik lek sbalile?

Kaʼibetik lek smelolal kʼusi smakoj li kʼusi ta jchantike. ¿Buchʼu la stsʼiba, bakʼin la stsʼiba xchiʼuk buchʼu la stakbe batel? ¿Kʼu yelan xkuxlejalik li vaʼ kʼakʼale? ¿Kʼusi kʼot ta pasel kʼalal skʼan toʼox stsʼibae xchiʼuk kʼalal laj xa ox stsʼibae?

Jnoptik li kʼusi chakʼ jchantike. Jsaʼtik li stakʼobiltak liʼe: «¿Kʼu van yelan laj yaʼi sbaik li buchʼutik te chalbe skʼoplale? ¿Kʼu yelan stalelalik xchiʼuk kʼu yuʼun skʼan jchanbe li stalelalike? ¿Kʼusi ti muʼyuk lek bat ta pasel yuʼunike xchiʼuk ti mu jechuk jpas eke?».

Kakʼ ta jkuxlejaltik li kʼusi ta jchantike. Jkʼeltik kʼuxi xuʼ jtunestik ta cholmantal o kʼalal ta jchiʼintik ta loʼil li krixchanoetike. Vaʼun, yakal xa me ta jpastik li kʼusi chal ta Salmo 107:43: «Ti buchʼu oy spʼijile tsnopbe lek skʼoplal li kʼusitik taje».

• Li kʼusi xuʼ jpastike: Li ta jvokʼ tsobajel «Kʼusitik kʼupil sba ta Vivlia» ti ch-echʼ ta xokol kʼakʼale, jaʼ mas chalbe skʼoplal ti kʼuxi xuʼ xkakʼ ta jkuxlejaltike, vaʼun jech xapas ek. Ta jujun xemanae, te talem jayibuk sjakʼobiltak, ti kʼusitik xuʼ jnopbetik skʼoplale xchiʼuk lokʼoletik ti oy kʼusitik chakʼ jchantike.