Lekil beiltasel sventa xijmuyubaj noʼox
«Ta jvul-o tajek koʼonton kʼalal chkil li kʼusi chopol chkʼot ta pasel ta balumile, jech kʼuchaʼal li paskʼopetike, li povreale, li chameletike xchiʼuk ti kʼu yelan chichʼ ilbajinel li ololetike. Pe avie, oy xa spatobil koʼonton» (RANI).a
Li Ranie muyubaj tajek kʼalal laj yaʼi ti jaʼ noʼox xuʼ lek sbeiltasutik li Jpasvanej kuʼuntik ti jaʼ li Dios ti Buchʼu skotol xuʼ yuʼune. Kʼalal chachan batel li revista liʼe, akʼo venta kʼuxi xuʼ chkoltavan Dios sventa:
Xijmuyubajuk li ta kutsʼ kalaltike.
Junuk koʼontontik xchiʼuk li yantike.
Xijmuyubajuk ta sventa li kʼusitik oy kuʼuntike.
Xkaʼibetik smelol kʼu yuʼun chkil jvokoltik xchiʼuk ti chijchamutike.
Oyuk spatobil koʼontontik.
Xkojtikintik lek li Jpasvanej kuʼuntike xchiʼuk ti xijnopaj ta stojolale.
Jech xtok, chavakʼ venta ti maʼuk noʼox junchib tstabeik sbalil spʼijil li Jpasvanej kuʼuntike, yuʼun tstabeik sbalil skotol li buchʼutik tsaʼike.
a Jelbil li biiletike.