Nojelal ta voʼ kʼalal to kʼuxi kolik lokʼel ta Egipto li j-israeletike

Kʼajomal noʼox vaxakvoʼ krixchanoetik kuxul komik li ta Nojelal ta voʼe, pe ta sjalile epajik tajek. Vaʼun, kʼalal oy xaʼox ta 352 jabil yechʼel li Nojelal ta voʼe, vokʼ li Abrahame. Li Abrahame albat ta melel yuʼun Dios ti ch-akʼbat jun xnichʼon ti jaʼ sbi Isaaque, taje ta jchantik kʼuxi kʼot ta pasel yuʼun Dios. Li ta xchaʼvoʼal xnichʼnab Isaaque, jaʼ tʼujat yuʼun Dios li Jacobe.

Li Jacobe ep la jyil yutsʼ yalal yuʼun la jyil lajchaʼvoʼ skerem xchiʼuk jayvoʼ stsebetak. Li lajunvoʼ sbankilal keremotak li Jacobe la spʼaj li yitsʼinike, li Josee, la xchonik batel ta mosovil ta Egipto. Ta tsʼakal ne, li Josee kʼot ta xchibal ajvalil ta Egipto. Kʼalaluk tal tsatsal viʼnale, li Josee la spas ta preva li sbankiltake sventa tskʼel mi sjelojik xa li stalelike. Vaʼun skotol li yutsʼ yalal Jacobe, li j-israeletike, bat nakiikuk ta Egipto. Taje jaʼo kʼot ta pasel kʼalal oy xaʼox ta 290 jabil svokʼel li Abrahame.

Laj une te tal 215 jabil, ti kʼu sjalil taje li j-israeletike te nakiik ta Egipto. Kʼalaluk cham li Josee, li j-israeletike pasatik ta mosovil te ta Egipto. Ta tsʼakal ne vokʼ Moisés, la jyichʼ tunesel yuʼun Dios sventa tskolta lokʼel ta Egipto li j-israeletike. Skotol li loʼiletik ta jchantik liʼ ta XCHAʼVOKʼALE jalij 857 jabil.