Veʼlil ta yorail noʼox

1. ¿Kʼuxi la skoltaot li slajeb mukʼta tsobajel ta jun kʼakʼal bu la aye? ¿Kʼuxi staojbeik sbalil li yantike?

¹ Kʼalal mi echʼ junuk mukʼta tsobajel ta jun kʼakʼale, nopem onoʼox xkaʼitik xi chkaltike: «¡Li kʼusi echʼe jaʼ li kʼusi chtun tajek kuʼuntike!». Jun jkʼelvanej ta sirkuitoe laj yal ti oy la junantik ermanoetik laj yalik ti chepajes li yabtelik ta chol mantal ta skoj ti laj yaʼiik li slajeb mantal li ta mukʼta tsobajele. June xi laj yal xtoke: «La skoltaunkutik sventa mu jchʼay ta jolkutik ti bu kʼakʼal kuxulutike xchiʼuk la skoltaunkutik ta xchaʼkʼelel li kʼusi yakalunkutik spasel tal ta jkuxlejalkutike». Xi to laj yal jun xtoke: «Ep jcholmantaletik laj yalik ti laj yakʼik venta ti jaʼ skʼan spasik li kʼusi mas tsots skʼoplale: jaʼ li chol mantale». Li voʼote, ¿kʼuxi la skoltaot li slajeb mukʼta tsobajel ta jun kʼakʼal bu la aye?

2. ¿Kʼusitik chalbe skʼoplal li mantaletik ch-echʼ ta mukʼta tsobajel chtale?

² Li kʼusitik ch-echʼ ta mukʼta tsobajel li ta kabteltik chlik ta septiembre yuʼun 2010 kʼalal ta agosto yuʼun 2011, jaʼ veʼlil ti ta yorail noʼoxe. Li sbie te chlokʼ ta Salmo 118:8, 9, li junantik mantal ch-echʼe jaʼ chalbe skʼoplal ti jpat koʼontontik ta stojolal Jeova kʼalal jaʼo yorail vokolile, chal xtok kʼuxi xuʼ jkoltatik yantik sventa sta spatobil yoʼontonik ta stojolal Jeova, ti kʼuxi xuʼ jchanbetik Jeova sventa spat yoʼontonik ta jtojolaltik li yantike, kʼuxi xuʼ xakʼik ta ilel li kerem-tsebetik ti tspat yoʼontonik ta stojolal Jeovae xchiʼuk kʼu yuʼun xuʼ jpat koʼontontik ti oyutik ta jun paraiso yaʼeluke.

3. ¿Kʼuxi xuʼ jtabetik lek sbalil li mukʼta tsobajel ta jun kʼakʼale?

³ Sventa jtabetik sbalil. Kʼalal mi laj yichʼ alel bakʼin chjelave, chapano xa noʼox aba sventa xa bat xchiʼuk kak albo li avajchanuntake. Teuk ta ajol ti jaʼ noʼox «lec ta satinic» li buchʼutik chakʼ ta yoʼontonik kʼusi chaʼiike (Luc. 8:15). Jaʼ yuʼun, tsʼetano lek achikin li ta mantaletik ch-echʼe xchiʼuk tsako ta vun li kʼusitik mas tsotsik skʼoplale, li butik cha kʼan chavakʼ ta akuxlejale xchiʼuk li ta chol mantale. Mi echʼ li mukʼta tsobajele, chʼakbeik yorail xchiʼuk avutsʼ avalal sventa xa loʼiltaik li mantaletik echʼe xchiʼuk alik li kʼusitik cha kʼan chavakʼ ta akuxlejalik ta jujuntale.

4. ¿Kʼu yuʼun jmalaojtik xa tajek li mukʼta tsobajel ta jun kʼakʼal chtale?

⁴ Li kʼusitik chjelav ta mukʼta tsobajel ta jun kʼakʼal li jabil liʼe ta sjunul oʼontonal xchiʼuk oy xa onoʼox skʼakʼalil laj yichʼ tal chapanel, jech kʼuchaʼal chichʼ meltsanel junuk muil veʼlil ti chakʼbe yipal jbekʼtal jtakopaltike. Akʼo xakʼboxuk sbendision Jeova ta skoj ti chavakʼbeik yipal cha batik xchiʼuk ti xbat akʼupinik li veʼlil ta yorail noʼoxe, ti meltsanbil sventa tstsatsubtasutik-o ta mantal li yajtsʼaklomutik Cristoe (Mat. 24:45).