Kʼuyelan chichʼ akʼel li revistaetike

Li Jkʼel osil ta toyole Julio-septiembre

«Ep nupultsʼakaletike oy skʼopik ta skoj ti mu lekuk xil sbaik xchiʼuk li stot smeʼ snup xchiʼilike. ¿Mi xuʼ van xkoltavan xa naʼ li Vivlia ta sventa taje? [Akʼo stakʼ.] Kʼelo avil li tojobtasel chakʼ Vivlia liʼe [kʼelo Colosenses 3:13]. Li mantal liʼe chakʼ tojobtaseletik lokʼem ta Vivlia jech kʼuchaʼal la jkʼeltik xae.» Akʼo iluk li mantal ta pajina 18.

¡Despertad! Agosto

«Epal pelikulaetik avie te chvinaj pukujetik, brujaetik xchiʼuk j-akʼchameletik. Kʼu xa chi voʼote, ¿mi oy van pukujetik ta melel? [Akʼo stakʼ. Kʼelo 1 Corintios 10:20.] Li ta mantal liʼe te cha ta kʼusi chal Vivlia ta sventa li pukujetike xchiʼuk ti kʼuxi xuʼ jpoj jbatik ta stojolalike.» Akʼo iluk li mantal ta pajina 20.

Li Jkʼel osil ta toyole Julio-septiembre

«¿Mi oy xa jakʼbe aba mi xuʼ to skoltautik li buchʼutik chamem kuʼuntike? [Akʼo stakʼ.] Toj jtunel li kʼusi laj yal Jesús kʼalal cham li yamigo Lazaroe [kʼelo Juan 11:11]. Li mantal liʼe chalbutik smelolal mi oy to bu kuxulik li buchʼutik chamemike xchiʼuk mi xuʼ to skoltautik, o mi yakal chkuxik sventa tsmalaik li chaʼkuxesele.» Akʼo iluk li mantal ta pajina 21.

¡Despertad! Septiembre

«¿Kʼuxa chi voʼote? Ti xuʼ skʼopon sbaik ta Internet li krixchanoetike, ta selular, ta correo electrónico xchiʼuk ta yan kʼusitike, ¿mi jaʼ van sventa mu stukuk xaʼi sbaik li krixchanoetike, o mi mas van stuk chaʼi-o sbaik yuʼun? [Akʼo stakʼ.] Li mantal liʼe chal kʼuxi xuʼ jtsaltik ti jtuk tajek chkaʼi jbatike [kʼelo Hechos 20:35]. Oy to yan mantaletik lokʼemik ta Vivlia ta jtatik liʼ ta revistae.»