¡Jlikestik junuk chanubtasel ta Vivlia li ta oktuvree!

1. ¿Kʼusi chichʼ akʼel li ta oktuvree?

¹ Li ta oktuvree jaʼ chichʼ akʼel li revista ¡Despertad! xchiʼuk Li Jkʼel osil ta toyole. Mi oy ta yoʼonton mantal li krixchanoe, xuʼ xkichʼbetik batel li tratado ¿Mi cha kʼan cha naʼ li kʼusi melele? sventa jlikesbetik jun chanubtasel ta Vivlia. Jkʼeltik kʼuxi ta pasel.

2. Kʼalal chbat jchaʼkʼeltik li buchʼutik la xchʼam li revistaetike, ¿kʼuxi xuʼ jtunestik sventa jlikestik chanubtasel ta Vivlia li tratado Li kʼusi melele?

² Kʼuyelan chichʼ tunesel li tratadoe. Xuʼ xi xavale: «Li revistaetik laj kiktabot ta yan veltae tstijbe yoʼonton skotol krixchanoetik yoʼ xchanik mas ta sventa li Vivliae. [Akʼbo li tratado Li kʼusi melele xchiʼuk akʼbo yil li sjakʼobiltak ta baʼyel pajinae.] Li Vivliae tstakʼ li sjakʼobiltak liʼe. ¿Bu junukal cha kʼan cha nabe stakʼobil?». Chikintao kʼusi chal li krixchanoe. Vaʼun koʼol xa kʼelik li stakʼobil chal ta tratadoe xchiʼuk kʼelo junuk li teksto tee. Albo ti oy to kʼusitik yan chchanubtasvan li Vivliae. Vaʼun akʼbo li livro Chchanubtasvane. Mi laj une oy chaʼtos kʼusi xuʼ xa pas. Li june jaʼ ti xavakʼbe stʼuj junuk kapitulo li ta saʼobile xchiʼuk ti xa kʼelik jayibuk parafo li ta slikeb kapitulo la stʼuje. Li yan xtoke jaʼ ti xa sabe yan yaʼyejal ta livro li kʼusi la aloʼiltaik ta tratadoe. Sventa taje, xuʼ skoltaot li bu chtakvan batel li sjakʼobiltak ta olone:

● ¿Mi oyutik ta yoʼonton li Diose? (paj. 9-11 § 6-10)

● ¿Mi ta van xlaj jun kʼakʼal li pas kʼopetike xchiʼuk li vokolile? (paj. 12 § 12, 13)

● ¿Kʼusi chkʼot ta jtojolaltik kʼalal chi jchamutike? (paj. 59-61 § 7, 8)

● ¿Mi oy van spatobil yoʼontonik li buchʼutik chamemike? (paj. 71 § 13-15)

● ¿Kʼu yelan skʼan ta jkʼopontik sventa xaʼibutik li Diose? (paj. 166, 167 § 5-8)

● ¿Kʼuxi ta tael li muyubajele? (paj. 9 § 4, 5)

3. ¿Kʼusitik yan xuʼ jpastik mi muʼyuk xlik kuʼuntik junuk chanubtasel ta Vivlia ta sba velta chaʼvulaʼale?

³ Mi mu xuʼ chavil xa likes chanubtasel ta Vivlia xchiʼuk li livro Chchanubtasvan ta sba velta chaʼvulaʼale, xuʼ xavalbe ti chbat achiʼin ta loʼil ta yan veltae. Jaʼ ti kʼuyelan oy ta yoʼonton chavil li krixchanoe, xuʼ xa chanik ta yantik velta li yan sjakʼobiltak li ta tratado kʼalal skʼan toʼox xavakʼbe li livroe. Ta melel, jtunestik lek li tratado sventa jlikestik junuk chanubtasel ta Vivlia li ta oktuvree xchiʼuk jkoltatik sventa xojtikinik kʼusi melel li krixchanoetik ti lek chaʼiik mantale (Juan 8:31, 32).