Jtunestik li achʼ tratado sventa jpajinatik ta Internete

Li tratadoe jaʼ sbi ¿Bu ta jtabetik stakʼobil li kʼusitik tsots skʼoplal ta jakʼbe jbatike? Li ta spat li tratadoe yichʼoj tal oxib sjakʼobil. Kʼalal chachiʼin ta loʼil jun krixchanoe kʼelo kʼusi sjakʼobil mas chtijbat-o yoʼonton, vaʼun akʼbo yil kʼuxi xuʼ stabe stakʼobil ta jpajinatik ta Internet ti bu chal: «VUNETIK XCHIʼUK YAN KʼUSITIK», ta tsʼakale ta «LIVROETIK XCHIʼUK FOYETOETIK». Vaʼun li krixchanoe te tsta li foyeto Lekil aʼyejetik yakʼoj Dios. Li ta xchanobil 7 te tstabe stakʼobiltak liʼe: «¿Kʼusi jaʼ li Ajvalilal yuʼun Diose?», «¿kʼusi chkʼot ta pasel yuʼun li Ajvalilal yuʼun Diose?».

Ta buyuk noʼox xabat ichʼo batel jaylikuk tratado yoʼ xakolta krixchanoetik ta xchanel li kʼusi chal Vivlia ta sventa li kʼusi labal sba ta jkʼupintik ta jelavel ti jaʼ koliyal li Ajvalilal yuʼun Diose.