¿Mi lek to ta kʼelel?

Toj lek me ti jech jakʼbe jbatik kʼalal skʼan to xkakʼtik li vunetik ta cholmantale. Li vunetik ti mu xa lekuk ta kʼelel, lokʼemik xa sbon, ikʼubemik o ti jatemike xuʼ me sokesbe skʼoplal li lekil aʼyej sventa kolebale xchiʼuk xuʼ chopol skʼoplal chkom li organisasione.

¿Kʼusi xuʼ jpastik sventa lekuk noʼox ta kʼelele? Oy jlome lek tunem yuʼunik ti kʼalal ta xchʼakbeik yavil ta skoj ti jeltos smukʼule. Jech tspasik kʼuchaʼal liʼe, yan-o bu chakʼik li livroetike, li revistaetik xchiʼuk foyetoetike, xchiʼuk li tratadoetik xtoke yan-o bu chakʼik. Kʼalal lek tskʼejik ochel ta smoralik o ta sportafolioik li Vivlia xchiʼuk li vunetike jaʼ sventa mu xpuxkʼij. Jlom jcholmantaletike ta skʼejik ta junuk karpeta o ta junuk yav revista. Li kʼusi mas tsots skʼoplal kʼalal chkakʼtik li vunetike jaʼ ti mu oyuk buchʼu chopol xloʼilaj ta sventa li cholmantal ta skoj ti mu xa lekuk ta kʼelel li vun chkakʼbetike, maʼuk ti kʼuyelan ta jkʼej li jvuntike (2 Cor. 6:3).