Ta jtsakbot avun mi chatsakbun li kuʼune

Taje jech chalik jlom yajval naetik. Ta skoj ti muʼyuk ta jtsaktik li vunetik ti chal jecheʼ chanubtaseletike, ¿kʼuxi xuʼ lek noʼox smelolal jtakʼbetik? (Rom. 1:25.) Xuʼ xi xkaltike: «Kolaval ti chakʼan chavakʼbune. Pe, ¿kʼusi chal ta sventa li xchapanobil svokol krixchanoetike? [Akʼo stakʼ. Mi chalbot ti akʼo xakʼel ta svun sventa xatabe li stakʼobile albo ti baʼyel onoʼox chakʼelbe kʼusi chal kʼalal chakʼan chavakʼbe jlikuk vun li voʼote. Laje xuʼ xakʼelbe o xavalbe skʼoplal Mateo 6:9, 10.] Li Jesuse laj yal ti chakʼ kʼotuk ta pasel kʼusi tskʼan yoʼonton Dios ta Balumil li Ajvalilal yuʼun Diose. Jaʼ yuʼun, jaʼ noʼox ta jkʼel li vunetik ti mas chalbe skʼoplal li Ajvalilal yuʼun Diose. ¿Mi xuʼ xkakʼbot avil ta Vivlia jtosuk li kʼusi tspas Ajvalilal yuʼun Diose?».