Jvokʼ ti bu oy sjakʼobile

◼ ¿Buchʼutik oy ta sbaik skʼanel vunetik o ti tsnojes ta vunetik o ta Internet ti bu chal mi tskʼan chchan mase?

Ep li ta vunetik chichʼ lokʼesele oy yichʼoj ti bu xuʼ xichʼ nojesel li ta vunetik li bu chal mi tskʼan chchan mase o ti tskʼan chvulaʼanat yuʼun junuk yajrextiko Jeovae. Jech noxtok, xuʼ te xichʼ kʼanel chanubtasel ta Vivlia li ta yavil akʼbil ta Internet ta www.watchtower.org. Koliyal taje, epal krixchanoetik xchanojik li kʼusi melel chal ta Vivliae. Akʼo mi jech, kʼalal jaʼ ta stakik batel jcholmantaletik li solisitud ta sbi yamigotak o yutsʼ yalale, xuʼ me xlik-o kʼop.

Jech kʼuchaʼal liʼe, kʼalal chchʼamik li vunetik stakoj batel Betele chalik ti ch-ilbajinvan la li organisasion ta skoj ti muʼyuk skʼanojik li vunetike, jaʼ yuʼun tsnopik ti oy la bu tsʼibabil ta slista organisasion li bu jotukal nakalike. Jech noxtok, jlom jcholmantaletik ti bat skʼelik li buchʼutik yalojik ta alel ti tskʼanik vulaʼanele, muʼyuk lek kʼusi kʼotem ta pasel, yuʼun ta x-ilinik-o li krixchanoetike. Jaʼ yuʼun chaʼa, mu me xuʼ ti jaʼ snojes jun jcholmantal li vunetik li bu chal ti tskʼan chchan mase o li solisitud li ta yavil akʼbil ta Internete; jaʼ noʼox me skʼan snojes li krixchano ti oy ta yoʼonton mantale. Kʼalal chil li Betel ti jaʼ jun jcholmantal stakoj tal sventa tskʼan xbat yichʼ vulaʼanel jun krixchanoe, muʼyuk tstsak ta mukʼ.

Jaʼ yuʼun chaʼa, ¿kʼusi xuʼ xapas sventa xakolta ta mantal junuk avutsʼ avalal o li buchʼu xavojtikine? Mi chakʼan ti akʼo xchʼam junuk li vunetike, ¿kʼu yuʼun mu xatakbe batel kʼuchaʼal junuk matanal? Pe mi laj yakʼ ta ilel ti oy ta yoʼonton chchan mas ta sventa Vivlia li krixchano o ti tskʼan ti akʼo xvulaʼanat yuʼun junuk yajrextiko Jeovae, jaʼ albo li moletik ti jaʼ oy ta sbaik chcholik mantal te taje. Pe mi muʼyuk la ta ta kʼoponele nojeso li vun Sírvase visitar (S-43-S) sbie xchiʼuk akʼbo li sekretario ta atsobobbaile, ti jaʼ tskʼel xchiʼuk jaʼ tstak batel ta Betele. Pe, mu xatsʼibaj batel ta Betel ta sbi li buchʼu tikʼil ta chukel, li buchʼu te tikʼil sventa xichʼ koltael yoʼ xkom yuʼun li kʼusi meʼinem xaʼi slajesele o li buchʼu te oy ta junuk ospital ta estadoe. Li kʼusi xuʼ xapase jaʼ ti xavalbe li krixchano ti akʼo saʼ li ermanoetik ti te chkʼotik ta cholmantale o ti akʼo stsʼibaj batel ta Betele.