Akʼo ta avoʼonton slikesel chanubtasel ta Vivlia li ta baʼyel sabadoe

Li ta mayo ta 2011 lik yichʼ tijbel yoʼonton jcholmantaletik sventa slikesik chanubtasel ta Vivlia li ta baʼyel sabado ta jujun ue. Sventa spas kuʼuntik taje, li ta revista sventa skotol krixchanoetik Li Jkʼel osil ta toyole, te chlokʼilan jun mantal ti jaʼ sventa taje, jaʼ sbi: «Kʼusitik chichʼ jakʼel ta sventa Vivlia». Jaʼ yuʼun, skʼan jaʼ chichʼ albel skʼoplal kʼuxi ta likesel chanubtasel ta Vivlia li ta tsobajel sventa cholmantale xchiʼuk skʼan xjelav junuk skʼelobil.

Li moletik ta tsobobbaile xuʼ snopik mi tskʼanik ti jmoj x-echʼ yuʼunik ta Salon sventa Tsobobbail li tsobajel sventa cholmantal ta baʼyel sabadoe o mi ta jujun grupo ch-echʼ yuʼunik. Pe mi oy jayib tsobobbail te tstsob sbaik li ta Salon sventa Tsobobbaile mu me stakʼ sjelbeik skʼakʼalil li slikesel chanubtasel sventa jmoj x-echʼ yuʼunik li tsobajel sventa cholmantale.