Li kampanya sventa Snaʼobil slajel Cristoe chlik ta 22 yuʼun marso

Li avi jabile, li kampanya sventa ta jtaktik ta ikʼel krixchanoetik li ta Snaʼobil slajel Cristoe chlik ta sabado 22 yuʼun marso. Chkichʼtik albel jkotoltik ti xijkoltavan ta spukel li vun taje. Mi sta-o chkiltike xuʼ xichʼ akʼel revistaetik xtok li ta sabado xchiʼuk domingoe. Li ta baʼyel sabado yuʼun avrile jaʼ noʼox ta xichʼ akʼel li uni vune, maʼuk ti ta xichʼ likesel chanubtasel ta Vivliae. Pe mi oy buchʼu la jtatik ti lek chaʼi mantale, xuʼ jlikestik junuk chanubtasel ta Vivlia xchiʼuk. Li jkʼelcholmantale jaʼ chal mi ta xichʼ pukel ti bu oy ep krixchanoetik li uni vunetik sventa jtabetik ta akʼel mas krixchanoetike. Jpasbetik junuk slistail li buchʼutik ta jkʼantik ti xbatik li ta Snaʼobil slajel Cristoe. Jech kʼuchaʼal li kutsʼ kalaltike, li buchʼu ta jchaʼvulaʼantike, li jchiʼiltik ta abtele, li jchiʼiltik ta chanune xchiʼuk yantik xchiʼuk kakʼbetik noʼox ta slikebaltik kampanya li uni vune. Ta jkʼantik ti ep krixchanoetik xtalike yoʼ jmoj ta jvules ta joltik xchiʼukik li chaʼtos mukʼta kʼanelal laj yichʼ akʼel ta ilele (Juan 3:16; 15:13).