Jvokʼ ti bu oy sjakʼobile

◼ ¿Mi persa van skʼan smak sjolik li ermanaetik ti chakʼik chanubtasel xchiʼuk jun ermano ta stiʼ sna li krixchanoe?

Kʼalal nopajtik xa chakʼ chanubtasel xchiʼuk oy xa yorail yuʼun li ermana kʼalal te chiʼinbil yuʼun jun ermanoe skʼan smak li sjole (1 Cor. 11:3-10). Li ta livro «Tey me comanic o ta stojol ti scʼuxul yoʼnton ti Diose» ta pajina 210, parafo 1 xi chale: «Taje jaʼ yan kʼuxi chchanubtasvan xtok li tsobobbaile [...]. Jaʼ noʼox jech ek mi chakʼ jun chanubtasel ta Vivlia jun ermana ti te xchiʼuk jun ermano ti yichʼoj voʼe. Jaʼ yuʼun, skʼan tsmak sjol». Li mantal liʼe te smakoj ti mi laj yichʼ akʼel chanubtasel ta yut nae, ta tiʼ na xchiʼuk ta buyuk noʼox.

Pe, ¿kʼusi stakʼ pasel mi muʼyuk to chapanbil li yorail xchanubtasel ta Vivliae? Mi jaʼ jeche mu persauk smak sjol li ermana mi te xchiʼuk jun ermanoe. Mu persauk smak sjol xtok mi jaʼ noʼox ta xchapbe skʼoplal kʼu yelan li chanubtasel ta Vivliae. Li chanubtasel ta tiʼ nae kʼunkʼun onoʼox ta xlik, skʼan oy jaykojuk chichʼ chaʼvulaʼanel, jaʼ yuʼun li ermanaetike skʼan oyuk lek spʼijilik kʼusi ora skʼan xlik smak sjolik kʼalal chakʼik chanubtasel ta tiʼ nae.