Lekuk me jtalelaltik kʼalal ta jcholtik mantal ta naetike

Li yajtsʼaklomutik Kristoe kʼotemutik «kʼuchaʼal j-akʼ-elov ta teatro» chil li krixchanoetike (1Ko 4:9). Jaʼ yuʼun mu me labaluk xkaʼitik ti oy jlom yajval naetik ti jaʼ noʼox tskʼelutik lokʼel ta sventanaike o ti mu skʼan sjam stiʼ snaike. Yuʼun xuʼ van oy skamaraik o smikrofonoik ti tskʼelutik-o lokʼele o ti jaʼ noʼox chaʼiik li kʼusi chkaltike. Sventa lekuk jtalelaltik kʼalal ta jcholtik mantal ta naetike, teuk me ta joltik li beiltaseletik liʼe (2Ko 6:3).

LI JTALELALTIKE (Flp 1:27)

• Kakʼtik ta ilel ti chkichʼtik ta mukʼ li buchʼu te nakal kʼalal muʼyuk ta jnachʼtatik ochel ta yut snaike. Kʼalal te xa oyutik ta tiʼ nae, mu me kʼusi jlajestik, mu me oyuk kʼusi xkuchʼtik, mu me xijkʼopoj ta selular xchiʼuk mu me jtaktik mensaje.

LI JKʼOPOJELTIKE (Ef 4:29)

• Kʼalal yakal ta jmalatik chtal sjam stiʼ sna li yajval nae, mu me xkaltik li kʼusi mu jkʼantik xaʼie. Jlom jcholmantaletike jaʼ mas lek chaʼiik ti muʼyuk xa chloʼilajik sventa snopbeik lek skʼoplal li kʼusi chalbeik yajval nae.

¿Kʼuxi to yan xuʼ xkakʼ ta ilel jlekil talelaltik kʼalal ta jcholtik mantal ta naetike?