Lekubuk batel mas ti kʼu yelan xijtojob ta cholmantale: likeso junuk estudio ta tiʼ na xchiʼuk li foyeto Lekil aʼyejetik yakʼoj Dios
Kʼu yuʼun tsots skʼoplal. Sventa jpastik ta yajchankʼop Jesus li krixchanoetike skʼan me xijtojob ta chanubtasvanej (Mat. 28:19, 20). Jkotoltik xuʼ xijkʼot ta lekil jchanubtasvanej mi la jtunestik lek li abtejebaletik oy kuʼuntike. Jun abtejebal ti xuʼ skoltautike jaʼ li foyeto Lekil aʼyejetik yakʼoj Dios[e]. Yuʼun xuʼ jlikestik-o junuk estudio kʼalal ta sba velta ta jvulaʼantik ta sna li jun krixchanoe.
Paso jech sjunul u liʼe:
Paso orasion sventa x-ayan ta avoʼonton slikesel junuk estudio. Kʼanbo koltael Jeova sventa xalikes junuk estudio xchiʼuk ti xakʼot ta lekil jchanubtasvaneje (Filip. 2:13).
Kʼalal chapas li yichʼel ta mukʼ Jeova ta avutsʼ avalale o kʼalal chachan Avivlia atuke chanilano li kʼusi chaval ta cholmantale. Vaʼun muʼyuk me chaxiʼ kʼalal chachol mantale xchiʼuk tskoltaot sventa xalikes junuk estudio ta stiʼ sna li krixchanoe.