Sventa xichʼ tunesel

¿Mi chatunes li foyetoetik liʼe?

Li Vivliae, ¿kʼusitik chalbe skʼoplal?

Li foyeto liʼe yichʼoj pasel sventa x-ayan ta yoʼontonik mantal li buchʼutik mu snabeik mas skʼoplal li Vivliae, mas to li buchʼutik oy srelijionik ti mu xchʼunik Cristoe

Kʼuxi ta akʼel: «Ta jkʼan ta jnaʼkutik kʼusi chanop ta sventa li kʼusi chal li ta Tsʼibetik liʼe (o, li chʼul livro liʼe) [kʼelo Salmo 37:11, ti te chalbe skʼoplal ta pajina 14]. ¿Kʼu van yelan xanaʼ chkom li Balumil mi kʼot ta pasel li albilkʼop liʼe? [Akʼo stakʼ.] Li kʼusi la jkʼeltike jaʼ jun skʼelobil li spatobil oʼontonal ti xuʼ jtatik ta Vivliae, manchuk mi jelel jtalel jkuxlejaltik o mi jelel kʼusi jchʼunojtik.» Kʼelo li baʼyel parafo ta pajina 3, vaʼun akʼbo li foyetoe.

Xuʼ xapas liʼe: Mi yakal chachanubtas ta Vivlia xchiʼuk li livro Chchanubtasvan li buchʼu oy srelijion ti mu xchʼunik Cristoe, chʼako jayibuk minuto ta slikeb o ta slajeb chanun sventa xachanik jvokʼuk mantal li ta foyetoe. Taje jaʼ chkoltaatik sventa snaʼik jutuk li kʼusi chal Vivliae.

Voʼote xuʼ cha vamikoin ti Diose

Li foyeto liʼe yichʼoj pasel sventa x-ayan ta yoʼontonik mantal li buchʼutik muʼyuk xchanojik lek vune

Kʼuxi ta akʼel: «¿Mi xuʼ xijkʼot ta yamigo Dios xanaʼ? [Akʼo stakʼ xchiʼuk kʼelo Santiago 2:23.] Li foyeto liʼe yichʼoj pasel sventa tskoltautik yoʼ xijkʼot ta yamigo Dios, jech kʼuchaʼal kʼot ta yamigo Dios li Abrahame.»

Xuʼ xapas liʼe: Akʼbo yil kʼuyelan ta chanel foyeto li krixchano kʼalal sba to velta chavulaʼane o kʼalal chbat achaʼvulaʼane, jaʼ kʼelik li sbavokʼale, xuʼ xachanik sjunul o jutuk noʼox.