Junchib slikeb jloʼiltik

Sventa li kampanya ta yorail Snaʼobil slajel Cristoe

«Mi liʼote. Ta jkʼan ta jtakot ta ikʼel ta sventa jun tsobajel ti toj tsots skʼoplale. Li ta 14 yuʼun avrile ta smiyonal noʼox krixchanoetik ta spʼejel Balumil tstaik ta naʼel li Snaʼobil slajel Cristoe xchiʼuk chchikintaik jun mantal ti muʼyuk tojbil ti te chichʼ alel kʼusi sbalil ta jtabetik li slajel Jesuse. Li ta vun liʼe te chal bu ch-echʼ xchiʼuk jayib ora chlik li tsobajel ti bu nakalote.»

Li Jkʼel osil ta toyole 1 yuʼun avril

«Yakal ta jchiʼinkutik ta loʼil jlikeluk krixchanoetik ta sventa ti oy kʼusi nopem xaʼiik spasele. Jutuk mu skotoluk krixchanoetik spasojik orasion jkojuk, ti mu ventauk kʼusi srelijionike. ¿Mi ta van stakʼ j-orasiontik xanaʼ li Diose o mi jaʼ noʼox sventa junuk koʼonton xkaʼi-o jbatik? [Akʼo stakʼ.] Kʼelavil kʼusi chal Vivlia ta sventa taje. [Kʼelo 1 Juan 5:14.] Li revista liʼe chalbe smelolal li sbalil ta jtabetik li spasel orasione.»

¡Despertad! Avril

«Oy kʼusi yakal chkakʼkutik ti chkoltavan sventa jtsaltik jtos vokolil ti ta buyuk xa noʼox jech xvinaje. Oy jlom krixchanoetik ti mu xa snaʼ kʼusi tspasik ta skoj li kʼusi tsnuptan ta xkuxlejalike ta snop tsmil sbaik. Kʼalal oy buchʼu jech tsnop taje, ¿mi ta melel tskʼan chcham xanaʼ o mi jaʼ noʼox van tskʼan ti xlaj li svokole? [Akʼo stakʼ.] Kʼelavil li kʼusi chal Vivlia ti ep buchʼutik skoltaojan sventa stsal yuʼunik li jtos vokolil taje. [Kʼelo Apocalipsis 21:3, 4.] Li revista liʼe chalbe oxib srasonal ti tskoltautik yoʼ mu jnop jtuchʼ li jkuxlejaltike akʼo mi solel ep tajek jvokoltik ta jnuptantik.»