Junchib slikeb jloʼiltik
Li kampanya ta sventa yorail Snaʼobil slajel Cristoe
«Mi liʼote. Tal jvulaʼanot, yuʼun ta jkʼan ta jtakot ta ikʼel ta jun tsobajel ti solel tsots skʼoplale. Li ta 3 yuʼun avrile, ta smiyonal xa noʼox krixchanoetik tstsob sbaik ta spʼejel Balumil sventa tstaik ta naʼel li slajel Jesuse xchiʼuk chchikintaik jun mantal ti muʼyuk tojbile, li tee chichʼ alel kʼusi sbalil ta jtabetik ti cham li Jesuse. Li uni vun liʼe te chal bu ch-echʼ xchiʼuk jayik ora chlik li tsobajele.»
Li Jkʼel osil ta toyole 1 yuʼun marso
«Li ta 3 yuʼun avrile jaʼ yorail li Snaʼobil slajel Cristoe. Oy jlom krixchanoetik tstsob sbaik sventa tsvules ta sjolik li slajel Jesuse. Akʼo mi jech, oy buchʼutik tsnopik ti muʼyuk la mas sbalil li slajel Jesuse. ¿Kʼusi chanop li voʼote? ¿Mi ta van jtabetik sbalil xanaʼ ti cham xchiʼuk ti chaʼkuxi li Jesuse? [Akʼo stakʼ.] Kʼelavil li kʼusi chal li Skʼop Dios ta sventa taje. [Kʼelo 1 Corintios 15:22, 26.] Li revista liʼe chalbe smelolal ti koliyal ti laj yakʼ sba ta matanal li Jesuse, li krixchanoetike xuʼ xkuxiik sbatel osil liʼ ta Balumile.»
Jlivro ti chal loʼiletik ta Vivliae
«Mi liʼote. Kichʼojbot talel jun lekil aʼyej. ¿Mi oy ajakʼojbe aba ti chkʼot yorail ti jun koʼonton chijkuxiutike? [Akʼo stak. Akʼbo yil li loʼil 115 li ta livroe xchiʼuk akʼbo yil li lokʼole. Vaʼun chanik li xchibal parafoe.] Xuʼ jchʼuntik ti chkʼot ta pasel li kʼusi chal liʼe yuʼun jaʼ yaloj stuk li Diose. [Kʼelo 2 Pedro 3:13.] Li vun liʼe chapanbil sventa skoltautik ta yaʼibel smelolal ti skʼanojutik li Diose xchiʼuk ti oyutik ta yoʼontone. [Akʼbo li livroe.]»