Junchib slikeb jloʼiltik
Kʼu yelan xuʼ jlikestik chanubtasel ta Vivlia li ta baʼyel sabado yuʼun marsoe
«Tal jvulaʼanotkutik uni jlikeluk ta sventa jun tsobajel ti toj tsots skʼoplale, ti chichʼ pasel ta 14 yuʼun avrile. Taje jaʼ ta sventa li Snaʼobil slajel Cristoe. Oy jlom krixchanoetike tstsob sbaik yoʼ tsvules ta sjolik li vaʼ kʼakʼale, yuʼun xchʼunojik ti toj tsots skʼoplal li slajel Jesuse. Pe oy jlome mu snaʼik lek mi tsots skʼoplal. ¿Mi xuʼ van jtabetik sbalil xanaʼ ta jujuntal li slajel Jesuse?» Akʼo stakʼ. Mi laje akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa 1 yuʼun marsoe xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj tale. Akʼbo li revistaetike, vaʼun albo ti chasut yan velta sventa xachanik li yan sjakʼobile.
Li Jkʼel osil ta toyole 1 yuʼun marso
«Ep krixchanoetik tsjakʼbe sbaik ti kʼu yuʼun muʼyuk kʼusi tspas Dios sventa tslajesbe skʼoplal ti muʼyuk tukʼilale xchiʼuk li vokolil ti oy ta Balumile. ¿Mi yuʼun van muʼyuk kʼusi sventa-o Dios ti oy jvokoltike o mi yuʼun van tsnop ti lek ti chkil jvokoltike? [Akʼo stakʼ. Kʼelo Juan 3:16.] Li teksto taje, ep buchʼutik tstunesik yoʼ chalik ti oyutik ta yoʼonton li Diose, pe mu snaʼik lek kʼuxi xuʼ jtabetik sbalil li slajel Xnichʼon Diose. Li revista liʼe chalbe skʼoplal ti koliyal ti laj yakʼ xkuxlejal li Jesuse chlaj skʼoplal ti muʼyuk tukʼilale xchiʼuk li vokolil ti oy ta Balumile.»
¡Despertad! Marso
«Yakal chivulaʼajkutik jlikel sventa chkalbekutik skʼoplal jun teksto ta Vivlia ti oy ep buchʼutik ti jelel kʼusi tsnopik ta sventae, li teksto taje jaʼ liʼe. [Kʼelo Génesis 1:1.] Jlome xchʼunojik ti oy buchʼu la spas li vinajelbalumile, jech kʼuchaʼal chal li teksto liʼe, pe li jlome mu jechuk xchʼunojik. ¿Kʼusi chanop li voʼote? [Akʼo stakʼ.] Ep buchʼutik vokol chaʼiik xchʼunel ta sventa li kʼusitik pasbile yuʼun li jnitvanejetik ta relijione oy kʼusi chakʼik ta chanel ti mu jechuk chal li Vivliae. Li revista liʼe chalbe lek smelolal xchiʼuk chal ti xuʼ jchʼuntik li kʼusi chal Vivlia ta sventa ti kʼuxi laj yichʼ pasel li vinajelbalumile.»