Junchib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun oktuvree

«Li avie yakal jvulaʼankutik jlikeluk li alakʼnatake. Li buchʼutik loʼilajemunkutik xa xchiʼukike chalik ti toj vokol la chaʼiik kʼalal oy buchʼu chcham yuʼunike. ¿Mi jech chavaʼi aba ek? [Akʼo stakʼ.] Xuʼ jta spatobil koʼontontik li ta revista liʼe.» Akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa 1 yuʼun oktuvree xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj talele. Akʼbo li revistaetike, vaʼun albo ti chasut yan velta sventa xachanik li yan sjakʼobile.

Li Jkʼel osil ta toyole 1 yuʼun oktuvre

«Yakal chivulaʼajkutik jlikeluk sventa jtijbekutik yoʼontonik alakʼnatak sventa xchanik li Vivliae. Jnaʼojkutik ti jlom krixchanoetike oy ta yoʼontonik xchanel Vivlia, pe li yantike mu skʼanik. ¿Kʼusi chanop li voʼote? [Akʼo stakʼ.] Li Vivliae chal ti kʼu yuʼun tsots skʼoplal skʼan jchantike [kʼelo 1 Tesalonicenses 2:13]. Mi jaʼ Skʼop Dios ta melel li Vivliae, ¿mi mu oyuk van sbalil xanaʼ mi ta jkʼeltike? Li revista liʼe chalbutik kʼusitik chalbe skʼoplal li Vivliae xchiʼuk ti kʼu yuʼun skʼan oyuk ta koʼontontik skʼelele.»

¡Despertad! Oktuvre

«Ta jkʼan ta jnaʼkutik kʼusi chanop ta sventa li sjakʼobil liʼe: ¿Mi xuʼ van xijmuyubaj akʼo mi muʼyuk mas kʼusi oy kuʼuntik? [Akʼo stakʼ.] Kʼelo avil kʼusi chal li Vivliae [kʼelo 1 Timoteo 6:8]. Li revista liʼe chalbutik kʼuyelan skʼan oyuk noʼox spʼisol xkiltik li kʼusitik oy kuʼuntike xchiʼuk chalbe skʼoplal oxtos kʼusi toj tsots skʼoplal ti mu stakʼ manel ta takʼine.»