Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun oktuvree

«Kʼalal tsnopik ta sventa Jesuse, ep buchʼutik jaʼ chtal ta sjolik kʼalal neneʼ toʼoxe, kʼalal chame, ti jech kʼot ta pasel leʼ xa ta chamil jabile. ¿Kʼusi van tspas xanaʼ li Jesús avie? [Akʼo stakʼ.] Kʼelo avil kʼusi chal li revista liʼe.» Akʼbo yil li revista sventa oktuvre-disiembree xchiʼuk jmoj xachanik li baʼyel sjakʼobil ta pajina 16. Xuʼ xakʼelbe junuk noʼox teksto. Akʼbo li revistaetike xchiʼuk albo ti chasut yan velta sventa chachanik li yan sjakʼobile.

Li Jkʼel osil ta toyole Oktuvre-disiembre

Kʼelo Salmo 65:2. Mi laje xi xavale: «Ep krixchanoetike xchʼunojik ti jaʼ Dios li Buchʼu chaʼi jkʼoptike, jech kʼuchaʼal chal liʼe, jaʼ yuʼun jujun kʼakʼal tstaik ta kʼoponel. Manchuk mi jech, oy xi tsjakʼbe sbaike: “Mi oy ta melel li Diose, ¿kʼu yuʼun oy ep vokoliletik?”. Pe, ¿kʼusi chanop li voʼote? ¿Mi oy van jun Dios ti chchikinta j-orasiontike? [Akʼo stakʼ.] Li revista liʼe chakʼbe stakʼobil ta Vivlia ti kʼu yuʼun yakʼoj to oyuk vokolil li Diose, manchuk mi chchikinta li j-orasiontike».

¡Despertad! Oktuvre

«Jutuk mu skotoluk li totil meʼiletike tskʼanik ti lekuk xchanunajik li yalab xnichʼnabike. ¿Mi lek chapal chlokʼik ta chanun xanaʼ li kerem tsebetik avi sventa lek chbat li xkuxlejalike? [Akʼo stakʼ.] Kʼelo avil kʼusi chal Vivlia ta sventa ti tsots skʼoplal skʼan jsaʼ jpʼijiltike [kʼelo Eclesiastés 7:12]. Li revista liʼe oy voʼtos kʼusitik chalbe skʼoplal ti kʼuxi xuʼ lek chkʼot ta lokʼel ta xchanunik li kerem tsebetike.»