Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun oktuvre

«Oy epal relijionetik, pe jelajtik ti kʼuyelan chichʼik ta mukʼ li Diose. ¿Kʼu van yelan chil Dios xanaʼ taje? [Akʼo stakʼ.] Ta jkʼan chkakʼbot avil li kʼusi laj yakʼ ta chanel Jesuse.» Kʼelbo xchiʼuk albo skʼoplal li mantal ta baʼyel subtitulo ta pajina 14 li ta revista Li Jkʼel osil ta toyole sventa oktuvre-disiembre xchiʼuk kʼelbo junuk li tekstoe. Akʼbo li revistaetike vaʼun albo ti chasut yan velta sventa chatakʼbe li yan sjakʼobile.

Li Jkʼel osil ta toyole Oktuvre-disiembre

«¿Mi skʼan van chanubtasel ta sbikʼtalik noʼox xa naʼ li kʼoxetik ta sventa Diose o mi jaʼ van lek ti jaʼ to tstʼuj stuk srelijionik mi ichʼiik xaʼoxe? [Akʼo stakʼ.] Kʼelavil li mantal ch-akʼbatik li totil meʼiletik yuʼun li Vivliae [kʼelbo Efesios 6:4]. Li revista liʼe, chakʼ tojobtaseletik ti kʼuxi xuʼ xichʼ chanubtasel ta sventa Dios li alab nichʼnabiletike.»

¡Despertad! Oktuvre

«Li avie ta jvulaʼankutik li utsʼ alaletike xchiʼuk ta jpaskutik jun abtelal ti jaʼ sventa slekilal skotol krixchanoetik ti muʼyuk tojbile. ¿Kʼusi van ti mas tsots chaʼiik spasel xanaʼ li totil meʼiletik avie? [Akʼo stakʼ.] Epal totil meʼiletike jaʼ tsaʼik li beiltasel chakʼ Vivliae. Jech kʼuchaʼal liʼe, kʼalal tstojobtas yalab xnichʼnabik li totil meʼiletike toj lek ti xichʼ tunesel li pʼijil mantal liʼe [kʼelo Efesios 4:31]. Li revista liʼe, chal kʼuxi xuʼ xkoltaatik yuʼun Vivlia li totil meʼiletik kʼalal yakal chchʼi talel li yalab xnichʼnabike, ti chlik noʼox ta sbikʼtalike jaʼ to mi ikʼotik ta chex kerem tsebetike.»