Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun marsoe

«Ta smilal xa noʼox jabiletik li krixchanoetike sjakʼojbe sbaik, ¿Bu oy li animaetike? ¿Kʼusi chkʼot ta jtojolaltik kʼalal chijchamutike? ¿Kʼusi chanop li voʼote?». Akʼo stakʼ xchiʼuk tojbo ta vokol ti chal li kʼusi tsnope. Akʼbo yil li livro Chchanubtasvan[e] xchiʼuk kʼelbo li parafo 5 xchiʼuk 6, ta pajina 58 ti bu chal: «¿Kʼusi chkʼot ta pasel ta melel kʼalal chi jchamutike?». Kʼelo xchiʼuk albo skʼoplal Eclesiastés 9:5. Vaʼun albo ti chasut yan velta sventa chachanik mas ta sventa taje.

Li Jkʼel osil ta toyole Enero-marso

«Li buchʼutik oy srelijionike chalik ti chkʼot la skʼakʼalil ti chlaj li Balumile, li sientifikoetike jech chalik ek. Li voʼote, ¿kʼusi chanop ta sventa taje?» Akʼo stakʼ xchiʼuk tojbo ta vokol ti chal li kʼusi tsnope. Vaʼun akʼbo yil Li Jkʼel osil ta toyole xchiʼuk kʼelbo li parafo 2 xchiʼuk 3, ta pajina 13 ti bu chal: «¿Mi chichʼ lajesel ta 2012 li Balumile?». Kʼelo xchiʼuk albo skʼoplal Eclesiastés 1:4. Akʼbo li revistae, vaʼun albo ti chasut yan velta sventa chachanik mas ta sventa taje.

¡Despertad! Marso

«Yakal ta jchiʼinkutik ta loʼil jlakʼnataktik ta sventa jtos kʼusi ti buyuk xa noʼox jech chkʼot ta pasele. Yileluk li avie mas xa anil chkap li krixchanoetike xchiʼuk muʼyuk smalael yuʼunik ¿Kʼu yuʼun jech chkʼot ta pasel xanaʼ? [Akʼo stakʼ.] Kʼelo avil kʼusi chal Vivlia ta sventa li ilinele [kʼelbo Salmo 37:8]. Li revista liʼe chakʼ iluk kʼu yuʼun ti mas xa anil chkap joltike xchiʼuk chakʼ iluk kʼuxi xuʼ jpastik sventa mu aniluk xkap joltik.»