Junchib slikeb jloʼiltik
Kʼu yelan xuʼ jlikestik chanubtasel ta Vivlia li ta baʼyel sabado yuʼun junioe
«Yakal chivulaʼajkutik jlikel sventa chkalbekutik skʼoplal jun sjakʼobil ti toj tsots skʼoplale. [Akʼbo yil li sjakʼobil ta slajebal spajinail Li Jkʼel osil ta toyole, ti jaʼ sventa 1 yuʼun junioe.] ¿Kʼusi chanop?» Akʼo stakʼ. Koʼol xachanbeik stakʼobil li baʼyel sjakʼobile xchiʼuk junuk li teksto yichʼoj tale. Akʼbo li revistaetike, vaʼun albo ti chasut yan velta sventa xachanik li yan sjakʼobile.
Li Jkʼel osil ta toyole 1 yuʼun junio
«Li sikʼolajele tsmil vakib miyon krixchanoetik ta jujun jabil. ¿Mi oy van kʼusi stakʼ pasel sventa xkom yuʼunik li sikʼolajele? [Akʼo stakʼ.] Epal krixchanoetik spajtsanoj sbaik o yiktaojik ta j-echʼel li sikʼolajel ta skoj ti la xchanik ti kʼu yelan chil li Diose. Jun skʼelobile, li teksto ta Vivlia liʼe skoltaoj junantik krixchanoetik sventa tsnopik kʼuxi chakʼbe svokol yantik kʼalal tsikʼolajike. [Kʼelo 1 Corintios 10:24.] Li revista liʼe chalbe smelolal ti xuʼ xtijbat yoʼonton ta yiktael sikʼolajel li jun krixchano mi la xchan kʼu yelan chil li Diose.»
¡Despertad! Junio
«Li chiʼinejbail ta loʼil ta Internete (red social) jaʼ la xuʼ te jta ep kamigotaktik. ¿Kʼusi talelalil skʼan oyuk yuʼun xa naʼ li jun melel amigoile? [Akʼo stakʼ.] Liʼ oy jun tojobtasel ta Vivlia ti chal kʼu yelan stalelal li jun melel amigoile. [Kʼelo Santiago 1:19.] Li revista liʼe chalbe skʼoplal chantos tojobtaseletik ti xuʼ skoltautik sventa xijkʼot ta jun lekil amigoil ta stojolal li yantike.»