Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun junioe

«Epal krixchanoetike tskʼanik xa ti akʼo taluk li Ajvalilal yuʼun Diose. Taje jujun kʼakʼal jech tskʼanik li ta orasion padrenuestroe. ¿Mi ta onoʼox van stakʼ Dios li orasionetik taje?» Akʼo stakʼ. Albo akʼo skʼel Mateo 6:9-13, mi laje akʼbo jlikuk li livro Chchanubtasvane. Koʼol xachanik li parafo 6 xchiʼuk 7 ta kapitulo 8. Albo skʼoplal kʼuyuʼun stuk xa noʼox jech li Ajvalilal yuʼun Diose. Albo ti chasut yan velta sventa chachanik yan sjakʼobile.

Li Jkʼel osil ta toyole Avril-junio

«Ep totil meʼiletike chat yoʼontonik ta skoj ti kʼuyelan xkuxlejal ta mas jelavel li yutsʼ yalalike. Mi oy avalab o anichʼnab eke, ¿mi mu jechuk ti xuʼ van chavat avoʼonton ta sventa ti kʼusi xuʼ snup ta xkuxlejalik ta jelavele? [Akʼo stakʼ.] Ta jkʼan chkakʼbot avil kʼuyelan laj yakʼ persa spasel kʼusi chal Deuteronomio 31:12 jun vinik ti lek ta chanbel stalelale, ti jaʼ José li stot Jesús kʼalal echʼ ta Balumile [kʼelo].» Akʼbo yil li revista Li Jkʼel osil ta toyole li sventa avril-junioe xchiʼuk koʼol xachanik li baʼyel chib parafo ta pajina 26. Albo ti jaʼ mas tsots skʼoplal li chanubtasel ta Skʼop Diose. Akʼbo li revistaetike xchiʼuk akʼo persa sut akʼel.

¡Despertad! Junio

«Jujun jabil epal miyon krixchanoetik ta x-ipajik ta skoj ti oy kʼusi sokem la slajesike. ¿Mi muʼyuk van chopol li kʼusitik ta jlajestik eke? [Akʼo stakʼ.] Li revista liʼe chalbe skʼoplal chantos kʼusitik xuʼ jpastik sventa jchabi kutsʼ kalaltik yoʼ mu x-ipajik ta skoj li kʼusitik tslajesike. Jech noxtok, chalbe skʼoplal ti mu xa bu chij-ipaj yuʼun li kʼusitik ta jlajestik jech kʼuchaʼal chal ta Vivliae.» Kʼelo Salmo 104:14, 15.