Junchib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun junioe

«Jutuk mu jkotoltikuk ta jkʼantik ti oyuk jun oʼontonale. Akʼo mi jech, li avie chkiltik ti oy paskʼope. ¿Kʼu yuʼun xanaʼ ti toj vokol ta tael jun oʼontonal li ta Balumile?» Akʼo stakʼ. Akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa li 1 yuʼun junioe xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj tale. Akʼbo li revistaetike, vaʼun albo ti chasut yan velta sventa chachanik li yan sjakʼobile.

Pʼijan me ta sventa liʼe: Li ta tsobajel sventa cholmantal ta 1 yuʼun junioe, skʼan me xjelav junuk skʼelobil cholmantal ti jaʼ chichʼ tunesel li slikeb loʼil liʼe.

Li Jkʼel osil ta toyole 1 yuʼun junio

«Yakal chivulaʼajkutik jlikel sventa chkalbekutik skʼoplal jun vokolil ti oy ta jnuptan jkotoltike. Ep van buchʼu oy kʼusi chopol laj yichʼik nopbel ta anil ta stojolalik junuk velta. ¿Mi oy van bu jotukal xanaʼ ti chʼabal bu chichʼ nopel kʼusi chopol ta anil ta stojolal yantike? [Akʼo stakʼ.] Kʼelo avil kʼuyelan chil Dios skotol li krixchanoetike [kʼelo Hechos 10:34]. Li revista liʼe chal kʼuyelan tslajesbe-o skʼoplal snopel kʼusi chopol ta anil ta stojolal yantik li Diose.»

¡Despertad! Junio

«Ta jkʼan ta jnaʼkutik kʼusi chanop ta sventa ti oy ta koʼontontik ti lekuk jkuxlejaltike. ¿Mi xuʼ van xlekub jkuxlejaltik xanaʼ mi oy ep jkʼulejaltike? [Akʼo stakʼ.] Kʼelo avil kʼusi jamal lek laj yal li Jesuse [kʼelo Lucas 12:15]. Li revista liʼe chal ti kʼuyelan skʼan xkiltik li kʼulejale xchiʼuk tskoltautik sventa oyuk noʼox spʼisol ti kʼuyepal ta jlajestik takʼine.»