Oy me kʼusi stuk noʼox jech ta jpastik ta agosto

1. ¿Kʼusi kampanyail ta jpastik ta spʼejel Balumil ta skoj ti poʼot xa xlokʼ sien jabil yochel ta abtel li Ajvalilal yuʼun Diose?

¹ Poʼot xa me xlokʼ sien jabil slikel ta abtel li Ajvalilal yuʼun Diose, jaʼ yuʼun toj lek me xkʼot-o ti xkichʼtik ta mukʼ Jeova ta jun kampanya ti stuk noʼox jeche. Li ta yuilal agostoe ta jpuktik ta spʼejel Balumil jlik achʼ tratado ti jaʼ sbi: ¿Bu ta jtabetik stakʼobil li kʼusitik tsots skʼoplal ta jakʼbe jbatike? Li tratadoe jaʼ sventa tstijbe yoʼonton krixchanoetik yoʼ skʼelik kʼusi chal Vivlia ta sventa ti kʼusitik tsjakʼbe sbaik li buchʼutik lek xaʼiik skʼelel vune xchiʼuk sventa akʼo snaʼik kʼuxi xuʼ xkoltaatik li jpajinatik ta Internet ta jw.org/tzo.

2. ¿Kʼusi skʼan jpastik sventa ‹xijmuyubajuk noʼox ta avanel yoʼ jmuyubtatik Dios› li ta yuilal agostoe?

² Ta jkʼupil kʼoptatik li Jeovae. Sventa xichʼ koltael li jcholmantaletik ti yichʼojik voʼ yoʼ mas xcholik mantale, xuʼ jaʼ x-abtejik li ta 30 ora mi jech oy ta yoʼonton chtunik ta prekursor auksiliar li ta agostoe. Ta skoj ti yichʼoj voʼob viernes, voʼob sabado xchiʼuk voʼob domingo li yuilal agostoe buchʼuuk noʼox me xuʼ xtun ta prekursor auksiliar, manchuk mi ch-abtejik o chchanunajik ta lunes kʼalal to ta viernes. Mi spas xa yuʼun chavil kʼusi skʼan pasel sventa x-och ta jcholmantal li buchʼu chachanubtas ta Vivliae o junuk avuni kerem o atsebe, albo noʼox me ta anil li jbabe yuʼun moletik ta atsobobbail sventa skʼelbeik skʼoplale. ¡Mu jnaʼtik kʼu to yelan chpatbat yoʼontonik kʼalal chlik stamik cholmantal li ta kampanya ti stuk xa noʼox jeche! Manchuk mi ep prekursor regularetik chkuxik li vaʼ u ta skoj ti laj xaʼox sta yoraik ta sjunul jabile, xuʼ van skʼel lek kʼusi skʼan spasik sventa x-abtejik li ta kampanya eke. Jaʼ yuʼun, jnoptik xa noʼox me xchiʼuk kutsʼ kalaltik kʼusi skʼan jpastik ta agosto sventa jechuk xkaʼi jbatik kʼuchaʼal chal li teksto liʼe: «Xmuyubajic noʼox ta avanel scotol ti jteclum ta smuyubtael ti Diose» (Esd. 3:11, Ch; Prov. 15:22).

3. ¿Kʼusi ta jkʼan ta jtatik li ta kampanya liʼe?

³ Akʼo mi oy xa onoʼox abtejemutik tal ta yantik kampanya, pe oy ta koʼontonkutik ti stukuk noʼox jech xakʼupinik li kampanya li ta yuilal agostoe. ¿Mi mas to ep ora chij-abtej xanaʼ? ¿Mi mas to ch-epaj li jcholmantaletike? Xchiʼuk, ¿mi mas to ep chijtun ta prekursor auksiliar xanaʼ? Ti poʼot xa stsuts li sjabilal kabteltik ti lik ta septiembre yuʼun 2013 kʼalal ta agosto yuʼun 2014, ¡akʼo me yakʼbutik sbendision Jeova ti tsots chij-abtej li ta kampanya ta spʼejel Balumil ti stuk xa noʼox jeche! (Mat. 24:14.)