KʼUSITIK KʼUPIL SBA TA VIVLIA | ISAÍAS 34-37
Li Ezequiase la stabe sbalil li xchʼunel yoʼontone
Li ajvalil Senaquerib ta Asiriae la stak batel Rabsaqué ta Jerusalen sventa mu spasik kʼop li jteklume. Li j-asiriaetike ep kʼusitik la stunesik sventa mu xa spasik kʼop li judaetike.
Stuk chkomik. Ti tskoʼoltajes sjol xchiʼuk Egiptoe mu masuk chkoltavan (Is 36:6).
Naʼetel. Muʼyuk la chpojatik yuʼun Jeova ta skoj ti ilinem ta stojolalike (Is 36:7, 10).
Sibtasel. Mu stsal yuʼunik ta j-echʼel li tsatsal j-asiria soltaroetike (Is 36:8, 9).
Akʼel ta preva. Mi chakʼ sbaik ta tsalel ta stojolal li j-asiriaetike, chlekub la li xkuxlejalike (Is 36:16, 17).
Li Ezequiase laj yakʼ tsots xchʼunel yoʼonton ta stojolal Jeova
La spas bu kʼalal xuʼ yuʼun yoʼ xchapan li jteklum kʼalal mi kot yorail chichʼik joyobtaele.
La skʼopon Jeova sventa xkoltaatik xchiʼuk la stsatsubtasbe xchʼunel yoʼonton ta stojolal Jeova li jteklume.
Ta skoj li xchʼunel yoʼontone laj yil ti kʼux-elan koltaat yuʼun Jeova kʼalal la stak tal jun yaj-anjel ti la smil 185,000 j-asiria soltaroetik ta jun noʼox akʼobale.