Jtsʼaklitik batel lek li yav yok Kristoe

Jkotoltik skʼan jchanbetik li stalelal Jesuse, mas to kʼalal ta jnuptantik prevaetike o kʼalal chkichʼtik nutsele (1Pe 2:21-23). Li Jesuse muʼyuk la spak skʼoplal kʼalal chopol kʼoptaat xchiʼuk kʼalal jaʼo chil svokole (Mr 15:29-32). ¿Kʼusi koltaat-o yoʼ xkuch yuʼune? Jaʼ ti jpʼel ta yoʼonton tspas li kʼusi oy ta yoʼonton Jeovae (Jn 6:38). Jech xtok, jaʼ laj yakʼ ta yoʼonton «li xkuxetel oʼontonal ti te akʼbil ta yelovale» (Evr 12:2).

¿Kʼu yelan chkaʼi jbatik kʼalal chkichʼtik ilbajinel ta skoj li kʼusi jchʼunojtike? Li melel yajtsʼaklomutik Kristoe muʼyuk buchʼu kʼusi chopol ta jpakbetik sutel (Ro 12:14, 17). Kʼalal ta jchanbetik Jesus ti kʼu yelan kuch yuʼune ta me xijmuyubaj, yuʼun jnaʼojtik ti lek chilutik li Diose (Mt 5:10-12; 1Pe 4:12-14).

MI LAJ AKʼELIK LI VIDEO LI SBI JEOVAE JAʼ LI KʼUSI MAS TSOTS SKʼOPLALE, TAKʼIK LI SJAKʼOBILTAK LIʼE:

• ¿Kʼusi la spas li ermana Pötzinger kʼalal jaʼo stuk te oy ta yut chukinabe?

• ¿Kʼusi la snuptanik li ermano xchiʼuk li ermana Pötzinger kʼalal te oyik ti bu tspasik tsatsal abtelale?

• ¿Kʼusi koltaatik-o sventa xkuch yuʼunik?