Vuleso me ta ajolik li yajnil Lote

¿Kʼu yuʼun la skʼel sutel svalopat li yajnil Lot kʼalal lokʼik batel li ta Sodomae? Muʼyuk bu chal li ta Vivliae (Gé 19:17, 26). Pe ta kʼelele, yuʼun la xchaʼnaʼ sutel li kʼusitik la skomtsane (Lu 17:31, 32). ¿Kʼusi skʼan jpastik sventa lekuk-o xkil jbatik xchiʼuk Dios ti mu jechuk jpastik kʼuchaʼal li yajnil Lote? Skʼan mu jaʼuk baʼyel xbat ta koʼontontik li kʼusitik noʼox tskʼan koʼontontike (Mt 6:33). Xi laj yal li Jesuse: «Mu me xuʼ xatunik ta smoso Dios xchiʼuk ta smoso kʼulejal» (Mt 6:24). Jaʼ yuʼun chaʼa, ¿kʼusi skʼan jpastik mi jaʼ xa mas chbat ta koʼontontik li kʼusitik sventa noʼox jkuxlejaltik ti jaʼ xa muʼyuk yorail kuʼuntik li kʼusitik sventa mantale? Jkʼanbetik koltael Jeova sventa jkʼeltik ti kʼusi skʼan jpastike, ti akʼo yakʼbutik stsatsal koʼontontike xchiʼuk ti skoltautik ta snopel leke.

MI LAJ AKʼEL SJUNUL LI VIDEO VULESO ME TA AJOLIK LI YAJNIL LOTE, TAKʼO LI SJAKʼOBILTAK LIʼE:

• 

  Kʼalaluk lik yichʼ sujel sventa spas kanal epal takʼin li Gloriae, ¿kʼu yelan jelbat-o snopben, skʼopojel xchiʼuk stalelal?

• ¿Kʼusi chakʼ jchantik li yajnil Lote?

• Li Joel xchiʼuk li yutsʼ yalale, ¿kʼuxi koltaatik li beiltaseletik ta Vivliae?

• Li Anae, ¿kʼuxi jel-o ti kʼu yelan xil sbaik xchiʼuk Jeova ta skoj li xchiʼiltak ta abtele?

• ¿Kʼu yuʼun skʼan oyuk stsatsal koʼontontik sventa xkuch kuʼuntik li sujel chkichʼtik ti jaʼuk baʼyel xkakʼ ta jkuxlejaltik li saʼel takʼine?

• ¿Kʼusi la spasik Andi xchiʼuk Gloria sventa jaʼuk baʼyel xakʼ ta xkuxlejalik yan velta li kʼusitik ta mantale?

• ¿Kʼusitik beiltaseletik ta Vivlia chalbe skʼoplal li ta videoe?