LI JKUXLEJALTIKE
Ta sjunuluk koʼontontik jmuyubtatik Jeova ta kʼejojetik
Kʼalal te tikʼilik ta chukel li Pablo xchiʼuk Silase la skʼupil kʼoptaik Dios ta kʼejojetik (Ech 16:25). Taje jaʼ koltaatik-o sventa xkuch yuʼunik. Li avi eke, li kʼejojetik ta jkʼejintatik li ta Salon sventa Tsobobbail xchiʼuk li kʼejojetik ti oy ta jw.org xuʼ me stsatsubtasutik xchiʼuk xuʼ me skoltautik sventa tukʼuk-o xkakʼ jbatik kʼalal ta jnuptantik vokoliletike. Pe li kʼusi mas tsots skʼoplale jaʼ ti chkichʼtik-o ta mukʼ li Jeovae (Sl 28:7). Kichʼojtik albel ti akʼo jkomtsan ta joltik jayibuk kʼejojetike. Jaʼ yuʼun chaʼa, xuʼ xijkʼejin xchiʼuk xuʼ jchanbetik sletrailtak kʼejoj li ta yichʼel ta mukʼ Jeova ta kutsʼ kalaltike.
MI LAJ AKʼELIK LI VIDEO LI OLOLETIKE TSMUYUBTAIK JEOVA TA KʼEJOJETIK, TAKʼIK LI SJAKʼOBILTAK LIʼE:
¿Kʼusi sbalil ta jtabetik kʼalal chijkʼejine?
¿Kʼusi tspasik li Departamentos de Audio y Video kʼalal chichʼ pasel gravare?
Li ololetike, ¿kʼusi tspasik xchiʼuk li yutsʼ yalalik kʼalal skʼan toʼox xbat spasik gravare?
¿Kʼusitik kʼejojal chakʼupin skʼejintael xchiʼuk kʼu yuʼun?