Kʼusi xuʼ jchanbetik skʼoplal

Komtsano ta ajol li «kʼejimoletik sventa yichʼobil ta mukʼ [Diose]»

«Kʼalal mu kʼusi jkʼan o chibajemun chkaʼie, li Jeovae tspatbun koʼonton li ta kʼejojetik ti te talem ta JW Broadcasting^®» (Lorraine, Estados Unidos).

Li yajtunelutik Jeovae jech-o ta jkʼejintatik li «kʼejimoletik sventa yichʼobil ta mukʼ [Diose]» (Kol. 3:16). Mi la akomtsan ta ajole, ta me skoltaot mi muʼyuk te avichʼoj li slivroal akʼejoj, aselular o atavlete. ¿Kʼu yuʼun mu xapas liʼe?

• Chʼakbo yorail sventa xachanbe sletrail li kʼejojetike xchiʼuk ti xavaʼibe smelolale. Kʼalal chkaʼibetik smelolal li kʼusi ta jchantike, mas kʼun chkom ta joltik. Li ta jw.org te ta jtabetik sletrail skotol li kʼejojetike, jech kʼuchaʼal li kʼejojetik ta JW Broadcasting xchiʼuk li kʼejojetik sventa ololetike. Sventa xatae, ochan ti bu chal: «Vunetik xchiʼuk yan kʼusitik», mi laje, «Son».

• Tsʼibao li sletrailtake. Taje jaʼ sventa xkom ta ajol (Deut. 17:18).

• Chanilano. Kʼelbo li sletrailtake o ep ta velta xa kʼejinta.

• Kʼelo mi kom xa ta ajol. Vuleso ta ajol li sletrailtake xchiʼuk kʼelo bu to skʼan xkom ta ajol.