Kʼuxi ta tsʼibael jlik karta

• Jaʼ tsʼibao li sdireksional bu nakalote, yan mi mu xuʼ chavaʼie xuʼ van xajakʼbe li moletik ta tsobobbail mi xuʼ jaʼ xatsʼiba batel li sdireksional Salone, pe MU ME xatsʼiba batel sdireksional junuk Betel.

• Mi xanabe sbi li krixchanoe jaʼ mas lek ti xatsʼiba batele, taje jaʼ sventa snaʼ ti jaʼ yuʼun li karta chatak batele.

• Tsako me ta venta li ortografiae, li gramatikae xchiʼuk li puntuasione. Sakuk ta kʼelel li kartae xchiʼuk ti lekuk oye. Mi ta akʼob chatsʼibae lekuk xvinaj ta kʼelel li aletrae. Jaʼuk me jech xatsʼiba ti kʼu yelan nopem xavaʼi chakʼopoje ti mu yanuk xa sba ta aʼiele.

Li ta skʼelobil liʼe te chvinaj li kʼusitik xuʼ xatsʼiba ta jlik kartae. Kʼalal oy buchʼu chatsʼibabe batel jlikuk kartae mu xalokʼta ta jujupʼel kʼop li skʼelobil liʼe. Jaʼ tsako ta venta li kʼusi yakal tsnuptanike, li kʼusi nopem xaʼiik spasel ti bu nakale xchiʼuk teuk ta ajol li kʼusi oy ta avoʼonton akʼo spas li krixchanoe.