Akʼo persa stael li chanubtaseletik chakʼ Diose

¿KʼU YUʼUN TSOTS SKʼOPLAL? Li Jeova ti jaʼ li Mukʼta Jchanubtasvaneje stuk noʼox jech ti kʼu yelan chchanubtasutike, yuʼun chakʼ kiltik kʼuxi xuʼ xlekub batel li jkuxlejaltike xchiʼuk chchapanutik sventa jkʼupintik li kʼusi yaloj chakʼbutike, pe skotol taje naka ta matanal chakʼbutik (Is 11:6-9; 30:20, 21; Ap 22:17). Ta skoj ti chkichʼtik chanubtasel yuʼun li Jeovae, xuʼ xkalbetik yantik li lekil aʼyejetik sventa xuʼ xkolike (2Ko 3:5).

¿KʼUXI TA PASEL?

• Bikʼituk xavakʼ aba xchiʼuk manxoukot (Sl 25:8, 9).

• Chʼamo skotol li chanubtaseletik chavichʼ akʼbele, jech kʼuchaʼal li parteiletik ch-echʼ ta tsobajel ta xokol kʼakʼale.

• Oyuk ta avoʼonton stael li kʼusitik sventa mantale (Flp 3:13).

• Oyuk kʼusitik xavikta spasel sventa xavichʼ mas chanubtasele (Flp 3:8).

MI LAJ AKʼELIK LI VIDEO LI CHANUBTASEL YUʼUN JEOVA JAʼ JKʼULEJALTIK TA MANTAL, TAKʼIK LI SJAKʼOBILTAK LIʼE:

• ¿Kʼusitik vokoliletik la stsalik junantik jcholmantaletik sventa xbatik li ta Chanob vun sventa j-al lekil aʼyejetik yuʼun Ajvalilal yuʼun Diose?

• ¿Kʼusitik chkichʼtik-o chapanel li ta Chanob vun sventa j-al lekil aʼyejetik yuʼun Ajvalilal yuʼun Diose?

• ¿Kʼusitik spasojik li ermanoetik sventa skoltaik li buchʼutik ayemik ta Chanob vun sventa jun yoʼonton te xtunik li ta tsobobbaile?

• ¿Kʼusitik chichʼ kʼanel sventa xijbat li ta Chanob vun sventa j-al lekil aʼyejetik yuʼun Ajvalilal yuʼun Diose? (kr paj. 189).

• ¿Kʼusitik yan chanubtasel chakʼ Dios ti skʼan xavakʼ persa staele?