Jaʼuk jchiʼintik li buchʼutik skʼanojik li Jeovae

¿Kʼu yuʼun skʼan jaʼ jchiʼintik li buchʼutik skʼanojik li Jeovae? Yuʼun li kamigotaktike xuʼ oy kʼusi lek xakʼ jchantik o xuʼ sokes jtalelaltik (Pr 13:20). Jech kʼuchaʼal liʼe, li ajvalil Jeoase «lec cʼusi la spas ta stojol» Jeova kʼalal jaʼ la xchiʼin li bankilal pale Jeoiadae (2Cr 24:2). Kʼalal cham li Jeoiadae, li Jeoase laj yikta li Jeova ta skoj ti jaʼ sokesat li yamigotake (2Cr 24:17-19).

Li ta baʼyel sigloe, li jtakbol Pabloe la skoʼoltajes li stsobobbail yajtsʼaklom Kristo «ta jpʼej mukʼta [na]» xchiʼuk laj yal ti xkoʼolajik ta «vasoetik» o li kʼusitik chichʼ tunesel ta jpʼej nae. Li voʼotike xijkoʼolaj ta vaso ti lek chkichʼtik tunesel kʼalal muʼyuk ta jchiʼintik li buchʼutik jaʼ tspasik li kʼusi muʼyuk lek chil li Jeovae, akʼo mi jaʼ stestigotak Jeova o kutsʼ kalaltik (2Ti 2:20 tsʼib ta yok vun; 2:21). Jaʼ yuʼun, jaʼuk me xkamigointik li buchʼutik skʼanojik li Jeovae xchiʼuk ti tstij koʼontontik sventa xijtun ta stojolale.

MI LA AKʼELIK LI VIDEO KʼUXI TA P’AJEL LI CHOPOL CHIʼILILE, TAKʼIK LI SJAKʼOBILTAK LIʼE:

• ¿Kʼuxi xuʼ mu xkakʼtik venta ti jaʼ yakal ta jchiʼintik li buchʼutik muʼyuk lek stalelalike?

• ¿Kʼusi koltaatik-o li oxvoʼ ermanoetik sventa mu xa xchiʼinik li buchʼutik chopol stalelale?

• ¿Kʼusi beiltaseletik ta Vivlia xuʼ skoltautik ta stʼujel lek li kamigotaktike?